Gisagara ntiratakaza umukino numwe, ubu yizeye ko yegukanye igikombe

Ni irushanwa ryatangiye umwaka ushize ndetse ryagombaga guzozanya n’ukuboza 2021, nyuma yaho Minisiteri ya Siporo yaje gusubika ibikorwa bya siporo kubera ubwiyongere bwa Covid-19, bityo naryo rikomwa mu nkokora n’icyo cyemezo.

Kuva ku wa Gatandatu tariki 22 Mutarama 2022 ryari ryasubukuwe hakinwa umunsi waryo wa gatatu nyuma y’uduce 2 twabanje twabereye i Kigali na Gisagara.

Muvara Ronald (7) na Sylvester ba Gisagara bagerageza guhagarika Kwizera wa REG VC.

Gisagara Volleyball yongeye kwigaragaza nyuma yo gutsinda ikipe ya REG VC ku mukino wa nyuma amaseti 3-0, ihita inegukana igikombe n’ubwo irushanwa ritarasozwa, gusa amategeko y’iri rushanwa akaba asobanura ko ikipe izatwara uduce (phases) twinshi kurusha izindi izahita yegukana igikombe kandi Gisagara imaze gutwara uduce 3 muri 5 tuzakinwa.

Ntagengwa Olivier (4) wa UVC ashaka gucisha umupira kuri Cedric na Prince ba APR VC

Gisagara VC yageze muri ½ nyuma yo gusezerera ikipe ya APR VC, iyitsinze amaseti 3-2, naho REG VC yo yari yageze ku mukino wa nyuma isezereye ikipe ya UVC ku maseti nayo 3-1.

Elie Mutabazi utoza APR VC iri rushanwa nti ryamuhiriye

Mu bagore ho birasa nk’aho bitarasobanuka n’ubwo ikipe ya APR ariyo iyoboye n’amanota 23 mu gihe ikurikiwe na UVC n‘amanota 21, ariko ho ikipe ya APR ikaba imaze gutwara uduce 2 naho UVC ikaba yaratwaye agace1.

APR y’abagore niyo iyoboye kujyeza magingo aya

UVC yahoze ari UTB niyo irimo gukubana na APR

Benitha uri mukirere ni umwe mu bakinnyi bazonze cyane APR, abari mu ifoto (Mutoni 7, Yvette 9, Christine 16 na Benitha 10)

Dore uko imikino ya ½ yagenze mu byiciro byombi

Abagabo

Gisagara VC 3-1 APR
UVC 1-3 REG VC
Finale: Gisagara 3-0 REG

Abagore 1/2

UVC 3- 0 RUHANGO
RRA 2-3 APR
Finale: UVC 2-3 APR

Agace ka kane kazakinwa tariki ya 29 na 30 Mutarama 2022, kakazakinirwa i Gisagara mu Ntara y’Amajyepfo.