Gisagara VC yatsinzwe na Smouha, imikino iba itatu itarabona intsinzi

Ikipe ya Gisagara Volleyball Club ikomeje kugorwa n’imikino nyafurika iri kwitabira ku nshuro ya mbere aho yaraye itsinzwe na Smouha yo mu Misiri amaseti 3-1 ukaba wari umukino wa gatatu wikurikiranya Gisagara itsinzwe.

N’ubwo muri uyu mukino Gisagara yagerageje guhangana na Smouha, imwe mu makipe ahabwa amahirwe menshi yo kwegukana iri rushanwa ndetse Gisagara ikabasha kuyibonamo seti ari na yo ya mbere Gisagara yari ibonye muri aya marushanwa, umukino warangiye Smouha yegukanye intsinzi 21-25, 21-25, 26-24 na 19-25.

Gutsindwa uyu mukino bigabanyije amahirwe ya Gisagara yo kuba yaza byibuze mu makipe 10 ya mbere mu gihe itegereje gukina umukino wa nyuma mu itsinda aho izahura na Gendarmerie yo muri Madagascar na yo yatsinzwe imikino ibiri imaze gukina.

Umukino wa Gisagara na Gendarmerie uzaba kuri uyu wa gatandatu saa kumi n’imwe z’umugoroba ku isaha ya Kigali.

Umukino wa kabiri wabaye muri iri tsinda rya kabiri warangiye Uganda Christian University yo muri Uganda itsinzwe na El Etihad yo muri Libya amaseti atatu ku busa 19-25, 19-25 na 22-25.

PROMOTED STORIES
kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka