Nyuma y’imyaka hafi ibiri akinira ikipe ya Police Football Club, Sibomana Patrick yamaze kwerekeza mu ikipe ya Ferroviário da Beira ikina shampiyona y’icyiciro cya mbere muri Mozambique.

Ikipe ya Police Football Club ibinyujije ku rubuga rwayo rwa Twiiter, yatangaje ko amakipe yombi yamaze kumvikana ku igurishwa ry’uyu mukinnyi, bamwifuriza ishya n’ihirwe mu ikipe nshya yerekejemo.

Sibomana Patrick yasinye muri Police FC avuye mu ikipe ya Young Africans yo muri Tanzania, akaba yaranakinnye kandi mu makipe arimo Mukura Victory Sports, APR FC n’Isonga mu Rwanda, akaba hanze y’u Rwanda yaranakiniye ikipe ya FC Shakhtyor Soligorsk yo muri Belarus.