Rayon Sports yanganyije na Musanze, Kiyovu ikura intsinzi i Rubavu

Yanditswe na

Sammy Imanishimwe

4-04-2022 - 18:09' | Ibitekerezo ( )

Mu mikino ibanza ya 1/8 cy’igikombe cy’Amahoro, amakipe ya Rayon Sports na Police ntizabashije kubona intsinzi, mu gihe Kiyovu yatsinze Marine FC i Rubavu

Kuri uyu wa Mbere ni bwo hakinwe imikino ibanza ya 1/8 mu gikombe cy’Amahoro, aho umukino wari witezwe cyane ari uwahuje ikipe ya Rayon Sports na Musanze kuri Stade Ubworoherane, umukino waje kurangira amakipe yombi anganyije 0-0.

Muri uyu mukino ikipe ya Rayon Sports ni yo yabonye uburyo bwinshi bwashoboraga kuvamo igitego, harimo umutwe watewe na Mael Dindjeke umunyezamu awukuramo, ndetse n’undi watewe na Essomba Willy Onana wari winjiye mu kibuga asimbuye.

Abakinnyi 11 Rayon Sports yabanje mu kibuga

LEANDRE WILLY ESSOMBA ONANA yari yagarutse mu kibuga nyuma y'iminsi myinshi yaravunitse

Mael DINDJEKE yahushije uburyo nka bubiri bwari bwabazwe

I Rubavu, ikipe ya Kiyovu Sports yatsinze Marine FC igitego 1-0 cyatsinzwe na Nshimirimana Ismael Pitchou ku munota wa 18 w’umukino ku mupira yari ahawe na Bizimana Amiss Coutinho, umukino urangira Kiyovu itahanye intsinzi.