Ku i Saa Sita n’igice z’amanywa kuri Stade ya Bugesera ni bwo hari hatangiye umukino wahuje ikipe ya Rayon Sports na Kiyovu, umukino w’abakeba bahataniraga kuyobora itsinda rya kabiri.

Rayon Sports na Kiyovu Sports zaguye miswi

Ikipe ya Kiyovu Sports ni yo yafunguye amazamu ku munota wa 21 w’umukino, igitego cyatsinzwe na Mbogo Ali n’umutwe ku mupira wari uturutse muri koruneri.

Rayon Sports yaje kwishyura ku gitego cyatsinzwe na Sugira Ernest kuri Penaliti, nyuma y’ikosa yari akorewe na Mbogo Ali mu rubuga rw’amahina.

Nyuma y’uyu mukino, Rayon Sports yakomeje kuyobora itsinda n’amanota umunani, Kiyovu iguma ku mwanya wa kabiri n’amanota arindwi.

Abakinnyi babanje mu kibuga

Rayon Sports:

Kwizera Olivier, Ndizeye Samuel, Mujyanama Fidèle, Niyigena Clément, Habimana Hussein, Nshimiyimana Amran, Nishimwe Blaise, Niyonkuru Sadjat, Manace Mutatu, Drissa Dagnogo na Luvumbu Héritier.

Kiyovu Sports:

Kimenyi Yves, Serumogo Ali, Gilbert, Mbogo Ali, Ngandu Omar, Habamahoro Vincent, Nyirinkindi Saleh, Bigirimana Abedi, Saba Robert, Bonane Janvier, Armel Gislain

MENYA UMWANDITSI

Sammy Imanishimwe

Umunyamakuru

@ Samishimwe

Reba inkuru zose nanditse ( 2585 )