Rayon Sports inyagiye Heroes, umutoza wa Heroes arasezera

Kuri iki cyumweru tariki ya 08 Ukuboza 2019, kuri Stade ya Bugesera habereye umukino w’umunsi wa 13 wa Shampiyona warangiye Rayon Sports itsinze Heroes ibitego 4 kuri 1.

11 ba Heroes FC babanje mu kibuga:

Twagirumukiza Clement (umunyezamu)

Mujyanama Fidèle

Ntakirutimana Theotine

Munyentwali Charles

Imanishimwe Patrick

Masiri Laundry

Mugisha Bonheur

Uwiduhaye Aboubakar

Murenzi Patrick

Dushimimana Olivier

Munyeshyaka Gilbert

Aba ni bo bakinnyi 11 ba Heroes FC babanje mu kibuga
Aba ni bo bakinnyi 11 ba Heroes FC babanje mu kibuga

11 ba Rayon Sports babanje mu kibuga:

Nsengiyumva Emmanuel Ganza(Umunyezamu)

Ndizeye Samuel

Rugwiro Herve

Rutanga Eric

Iradukunda Eric

Nizeyimana Mirafa

Commodore Olokwei

Oumar Sidibé

Iranzi Jean Claude

Mugisha Gilbert

Michael Sarpong

11 ba Rayon Sports babanje mu kibuga
11 ba Rayon Sports babanje mu kibuga

Ni Umukino watangiranye imbaraga nke ku mpande zombi, gusa Rayon Sports yabonye uburyo butandukanye butagize icyo bubyara imbere y’izamu rya Heroes.
Ku kazi kari gakozwe na Mugisha Gilbert wateye ishoti, umunyezamu wa Heroes awufata nabi. Umupira wasanze Michael Sarpong ahagaze neza aboneza mu izamu ku munota wa 43. Igice cya mbere cyarangiye Rayon Sports iyoboye n’igitego kimwe ku busa bwa Heroes.

Mu gice cya kabiri Rayon Sports yakoze impinduka aho Nizeyimana Mirafa yasimbuwe na Ciiza Hussein, naho Yannick Bizimana asimbura Mugisha Gilbert.

Izi mpinduka zatanze akazi gakomeye kuri Heroes aho ku munota wa 74 Yannick Bizimana yatsinze igitego acenze abakinnyi batanu ba Heroes.

Nyuma y’iminota itatu, hari ku munota wa 77, Oumar Sidibé yatsinze igitego cya gatatu, ibyishimo by’Abarayon bitarasozwa, ku munota wa 78 Iranzi Jean Claude yatsinze agashinguracumu maze amanota 3 Rayon irayashimagira.

Heroes yaje kungukira mu kwirara, maze Uwiduhaye Aboubakar yatsinze impozamarira ya Heroes.

Nyuma y’umukino, umutoza wa Heroes Umunyaswede Stephen Johansson yavuze ko asezeye gutoza Heroes akaba ngo agiye kwita ku muryango we.

David Espinoza utoza Rayon Sports yavuze ko yishimiye amanota atatu mbere yo guhura na Mukura VS ndetse na APR FC.

Intsinzi ya Rayon Sports iyizamuye ku mwanya wa kabiri n’amanota 28, mu gihe Heroes yo yagumanye amanota 8.

Uko imikino y’umunsi wa 13 yagenze yose

Ku wa gatandatu tariki 07/12/2019

APR Fc 3-2 Gasogi Utd

Bugesera Fc 0-0 Musanze FC

Etincelles Fc 0-0 Sunrise FC

As Muhanga 1-0 Kiyovu Sport

Ku Cyumweru tariki 08/12/2019

Police FC 2-2 Mukura VS

Heroes 1-4 Rayon Sports

As Kigali 1-2 Gicumbi FC

Marines 0-0 Espoir

National Football League 2019/2020

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka