Mu Bwongereza kandi nta sitade nshya yubatswe ariko miliyoni 570 zashyizwe mu mirimo ijyanye n’ibikorwa remezo nko kuvugurura.

Guhangana cyane ku isoko no kongeza imishahara mu makipe nka Chelsea, Manchester city, Manchester United na Liverpool byatumye umwenda w’amakipe yo mu Bwongereza uva kuri miliyoni 351 mu 2006 ugera kuri miliyari 2,4.

Ubu bushakashatsi kandi bwerekana ko amakipe 92 yo mu Bwongereza yishyura umusoro wa miliyari 1, 2 ku mwaka. Manchester City yagize igihombo cya miliyoni 82.

Premier League yakoresheje miliyoni 769 z’amapound kurusha Bundesliga yo mu Budage nyamara Bundesliga niyo shampiyona yinjije menshi (miliyoni 154 z’amapound). Amafaranga shampiyona y’ubwongerza yinjiza yavuye kuri miliyoni 68 agera kuri miliyoni 16.

Miliyari 1,7 z’amapound niyo yakoreshejwe muri shampiyona ya Espagne (La Liga). Real Madrid na Barcelona byakoreshejwe 54% byayo.

Shampiyona y’icyiciro cya kabiri ikoresha amafaranga menshi ku isi nayo ni iyo Bwongereza ikoresha miliyoni 468.

Mu myaka itatu ishize Manchester City niyo ishora amafranga menshi igura abakinnyi mu Bwongereza. Yatanze miliyoni zirenga 100 mu mwaka wa 2011-2012 igura abakinnyi mu gihe yari yakoresheje miliyoni 141 mu 2009/10. Chelsea yatanze miliyoni 91, Manchester United miliyoni 70 naho Liverpool itanga miliyoni 57.

Gushaka abakinnyi bakomeye ku ikipe ya Anzhi Makhachkala yo mu Burusiya byatumye iyi shampiyona ikoresha miliyoni 614. Niyo ifite umukinnyi uhembwa neza ku isi, Samuel Eto’o ufata ibihumbi 300 by’amapound ku cyumweru. Turukiya yakoresheje miliyoni 515 naho Abaholande batanze miliyoni 431 z’amapound.

Alan Switzer umuyobozi w’agashami k’imikino muri Deloitte yaburiye amakipe ko gukomeza kongera imishahara bazagira igihombo gikabije. Ati “mugabanyijeho 1% gusa mwakunguka hagati ya miliyoni 20 na 25”.

Nubwo imishahara, igihombo n’imyenda bizamuka ku makipe, ishyirahamwe rya ruhago ku mugabane w’u Burayi (UEFA) ryasabye amakipe gukemura ikibazo cy’amafaranga bagabanya imyenda mbere yo gufatirwa ibihano mu 2013-2014.

Yasabye ko hashorwa menshi mu gutoza abana aho kugura intsinzi, kubaka ibikorwa remezo, kugabanya imishahara n’amafranga yo kugura abakinnyi kugira ngo amafranga asohoka abe make kuyo binjiza.

Dore amakipe yahembye neza mu Bwongereza 210-2011 nk’uko tubikesha Deloitte:

Chelsea yahembye miliyoni 191 z’amapound

Manchester City – miliyoni 174

Manchester United – miliyoni 153

Liverpool – miliyoni 135

Arsenal – miliyoni 124.

Thierry Tity Kayishema