Mukura isezereye EL Hilal El Obeid ikomeza muri CAF confederation cup

Ikipe ya Mukura ikoze amateka yo kugera mu kiciro kibanziriza amatsinda ya CAF confederation cup, isezereye ikipe yo muri Soudani kuri penaliti 5 kuri 4.

Rugirayabo Hassan agerageza kwima umupira umukinnyi wa El Hilal El Obeid
Rugirayabo Hassan agerageza kwima umupira umukinnyi wa El Hilal El Obeid

Umukino wo kwishyura wabaye kuri uyu wa Gatandatu tariki 22 Ukuboza 2018, nyuma y’uko ubanza wari wabereye muri Sudani aho amakipe yombi yanganyije ubusa ku busa.

Ikipe ya Mukura yari imaze iminsi mu mwiherero i Gihindamuyaga, yatangiye umukino ishaka igitego hakiri kare.

Uko umukino wagendaga ugera mu minota yo hejuru, ikipe ya EL Hilal El Obeid yari yatangiye isa nk’iyugarira yaje gutinyuka itangira nayo gusatira.

Ubusatirizi bwa Mukura bwari buyobowe na Romami Frank na Christopher Ndayishimiye ntibwashoboye kugera Ku ntego yo kubona igitego.

Rutahizamu Romami Frank waje gusimburwa mu gice cya kabiri
Rutahizamu Romami Frank waje gusimburwa mu gice cya kabiri

Umutoza wa Mukura Haringingo wasabwaga gutasinda byanze bikunze ngo akomeze mu kiciro kibanziriza amatsinda yaje gusimbuza Romami yinjiza Onesme Twizerimana mu kibuga.

Ikipe ya Mukura yatangiye gusatira cyane ishaka igitego. Mu buryo bukomeye iyi kipe yabonye n’ubwo Christopher Ndayishimiye yahushije ku mupira yarahawe na Bertrand Iradukunda ari imbere y’izamu wenyine ateye umupira ujya hanze.

Ibihe bisanzwe by’umukino bingana n’iminota 90 byarangiye ari ubusa ku busa hiyambazwa za penaliti, kugira ngo haboneke ikipe ikomeza.

Ikipe ya Mukura yabanje mu kibuga
Ikipe ya Mukura yabanje mu kibuga

Hakurikiyeho penaliti

Mukura yakomeje kuri penaliti itsinze 5 kuri 4 za El Hilal EL Obeid. Zinjijwe na Saidi Iragire , Gael Duhayindavyi, Ndizeye Innocent, onesime Twizerimana na Ndayishimiye Christopher.

Mukura ikomeje mu kiciro cya kamarampaka (Playoffs) ari cyo kibanziriza amatsinda ya CAF confederation cup.

Biteganijwe ko iyi kipe izahura n’imwe mu makipe izaba yasezerewe muri Champions league yayisezerera ikajya mu kiciro cy’amatsinda ya CAF confederation cup.

Abakinnyi ba El Hilal El Obeid babanje mu kibuga
Abakinnyi ba El Hilal El Obeid babanje mu kibuga

Abakinnyi babanje mu kibuga ku mpande zombi

Mukura Victory Sports: Rwabugiri Omar, Saidi Iragire, David Nshimirimana, Rugirayabo hassan, Mutijima Janvier, Gael Duhayindavyi, Youssuf Lule, Cyiiza Hussein, Bertrand Iradukunda, Romami Frank na Ndayishimiye chrstopher.

Al Hilal El Obeid: Ahmed Abdelazim, Omer Suliman, Maaz Abdelrahim, Ali omer, El Hami Ahmed,Mudathir Eltaib, Mohamed Musa, Yousif Ibrahim, Moalad Maki, Mofadar Mohamed na Ahmed Ibrahim Elnour.

MENYA UMWANDITSI

kigalitoday android app mobile

Ibitekerezo   ( 2 )

Mukura kabisa nikomeze iduheshe ishema !!!! Erega iruta amavubi

Muhirwa yanditse ku itariki ya: 23-12-2018  →  Musubize

Mukura forever more

omer yanditse ku itariki ya: 22-12-2018  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.