Manishimwe Djabel afashije APR FC kurara ku mwanya wa mbere mbere yo guhura na Rayon Sports

Ikipe ya APR FC ishimangiye umwanya wa mbere itsinda Heroes igitego kimwe ku busa mbere yo guhura na Rayon Sports ku munsi wa 15 wa shampiyona.

Manishimwe Djabel yatsindiye igitego APR FC kiyihesha amanota atatu
Manishimwe Djabel yatsindiye igitego APR FC kiyihesha amanota atatu

Kuri uyu wa gatandatu tariki ya 14 Ukuboza 2019 hakinwaga umukino w’umunsi wa 14 wa shampiyona. Ikipe ya APR FC yasuye ikipe ya Heroes, umukino ubera kuri Stade y’i Bugesera. Umukino warangiye habonetsemo igitego kimwe cyatsinzwe na Manishimwe Djabel, gitanga amanota 3 ku ruhande rw’ikipe ya APR FC.

Abakinnyi 11 ba Heroes FC babanje mu kibuga ni Twagirumukiza Clement, Mujyanama Fidele, Mudacumura Jackson, Murenzi Patrick, Nyarugabo Moise, Munyeshyaka Gilbert, Ntaganira Fabrice, Ntakirutimana Theotime, Uwiduhaye Abubacar, Munyentwari Charles na Rutayisire Ahmza.

Abakinnyi 11 ba Heroes FC babanje mu kibuga
Abakinnyi 11 ba Heroes FC babanje mu kibuga

Abakinnyi 11 babanje mu kibuga ku ruhande rwa APR FC ni Rwabugiri Umar, Mutsinzi Ange, Rwabuhihi Placide, Nshimiyimana Yunusu, Niyomugabo Claude, Mushimiyimana Mohamed, Buteera Andrew, Ishimwe Kevin, Manishimwe Djabel, Nizeyimana Djuma na Danny Usengimana.

Ni umukino watangiye APR FC yotsa igitutu Heroes, APR iza no kubona igitego cyatsinzwe na Manishimwe Djabel ku munota wa 10. Iki gitego Heroes yagerageje kucyishyura mu gice cya mbere ariko ikipe ya APR FC ihagarara neza mu gice cya mbere.

Ni umukino waranzwe n
Ni umukino waranzwe n’ishyaka ku mpande zombi

Igice cya kabiri cyatangiranye imbaraga nyinshi ku mpande zombi ariko APR FC nk’ikipe nkuru yihagararaho, umukino urangira icyuye amanota atatu.

Intsinzi ya APR FC ishimangiye umwanya wa mbere n’amanota 34, mu gihe Heroes yagumye ku mwanya wa 16 n’amanota 8.

Abakinnyi ba APR FC bishimiye igitego Manishimwe Djabel yatsinze
Abakinnyi ba APR FC bishimiye igitego Manishimwe Djabel yatsinze

Indi mikino:

Ku Mumena

Gicumbi FC 1-2 Bugesera FC

Gicumbi yafunguye amazamu ku munota wa gatatu, igitego cyatsinzwe na Rubankene Walter, mu gihe Bugesera yishyuriwe na Rucogoza Djihad watsindaga igitego cya 7 muri iyi shampiyona. Murengezi Rodriguez yatsindiye Bugesera igitego cya kabiri ku munota wa 88 maze Masudi Djuma atahana amanota 3.

Kuri Stade ya Kigali

Gasogi United 1-1 As Kigali

Ku wa gatandatu tariki ya 14 Ukuboza

Gicumbi Fc 1-2 Bugesera
Heroes 0-1 APR FC.
Gasogi united 1-1 As Kigali

Abakinnyi 11 ba APR FC babanje mu kibuga
Abakinnyi 11 ba APR FC babanje mu kibuga

Ku cyumweru tariki ya 15 Ukuboza

Rayon Sports FC vs Mukura VS (Stade de Kigali, 15h00)
Musanze FC vs Etincelles FC (Stade Ubworoherane, 15h00)
SC Kiyovu vs Police FC (Stade Mumena, 15h00)
Sunrise FC vs Marines FC (Stade Nyagatare, 15h00)
Espoir FC vs AS Muhanga (Stade Rusizi, 15h00)

Abakinnyi batemerewe gukina umunsi wa 14:

1. Nizeyimana Mirafa (Rayon Sports FC)
2. Muganza Isaac (Gasogi United)
3. Kyambadde Fred (Espoir FC)

National Football League 2019/2020

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka