Abanyamuryango b’ishyirahamwe ry’umupira w’amaguru mu Rwanda bateraniye mu nama kuri uyu wa Gatandatu, aho bimwe mu byari byitezwe harimo kongera umubare w’abanyamahanga bakina shampiyona, ndetse n’ikibazo cya Gicumbi Fc na Heroes.

Nyuma yo gusoza ibyari biri ku murongo w’ibyigwa bigera kuri 18, haje gukurikiraho bimwe mu bitekerezo byari byatanzwe n’abanyamuryango, aho ku kibazo cy’amakipe ya Heroes na Gicumbi yari yamanuwe mu cyiciro cya kabiri, hemejwe ko uwo mwanzuro ugumaho.

Kuri iki kibazo, Perezida w’ishyirahamwe ry’umupira w’amaguru mu Rwanda Rtd Brig Gen Sakamana Jean Damascene, yasobanuye ko uko mwanzuro wari wafashwe na Komite nyobozi byari bikurikije amategeko, ndetse ko no mu mezi make ahari bigoye ko hakongerwa umubare w’amakioe akina icyiciro cya mbere.

Ku kibazo cyo kongera umubare w’abanyamahanga bakina shampiyona, aha Perezida wa Ferwafa yavuze ko bitari buze kuganirwaho, ndetse ntihagira n’umwanzuro n’umwe ufatwa, bityo hakazagumaho abanyamahanga batatu gusa ku mukino.

Mu bindi, Rurangirwa Aaron yasimbuye Gasingwa Michel uheruka kwegura ku mwanya w’ukiroye komisiyo y’abasifuzi, ndetse abanyamuryango banamenyeshwa ko ibiganiro hagati ya Ferwafa na Bralirwa ndetse na RBA bigeze kure, nk’abafatanyabikorwa muri shampiyona itaha.

Visi Perezida wa APR FC Maj Gen Mubarakah Muganga mu nteko rusange ya Ferwafa

Perezida wa Ferwafa ayoboye inama

Umunyamabanga mukuru wa Ferwafa Uwayezu Francois Regis

Abanyamuryango ba Fefwafa mu nteko rusange

Perezida wa Gasogi United Kakooza Nkuriza Charles

Perezida wa Rayon Sports Murenzi Abdallah, ni we wabajije ku kibazo cyo kongera umubare w’abanyamahanga

MENYA UMWANDITSI

Sammy Imanishimwe

Umunyamakuru

@ Samishimwe

Reba inkuru zose nanditse ( 2586 )