Christ Mbondi yafashije Rayon Sports gusezerera Marines mu gikombe cy’Amahoro

Yanditswe na

Rwubaka Moustapha

25-07-2018 - 09:53' | Ibitekerezo ( )

Marines Fc ni yo yafunguye amazamu ku munota wa 11 w’umukino, ku gitego cyatsinzwe na Ishimwe Christian, ku mupira waturutse muri koruneri ukamusanga inyuma y’urubuga rw’amahina, maze atera ishoti rikomeye umunyezamu Kassim ntiyamenya aho umupira unyuze.

Christ Mbondi yatsinzemo ibitego bibiri muri uyu mukino

Ku munota wa 32 w’umukino, Rayon Sports yatsinze igitego cya mbere, ku ishoti rikomeye ryatewe na Christ Mbondi, umunyenzamu wa Marines Fc wari uhagaze imbere ashiduka inshundura zinyeganyega.

Nyuma y’iminota itanu gusa, Christ Mbondi yatsinze igitego cya kabiri, giturutse ku mupira yari ahinduriwe neza na Muhire Kevin, igice cya mbere kirangira Rayon Sports itsinze 2-1.

Ku munota wa 75 w’umukino, Rayon Sports yatsinze igitego cya gatatu, ku mupira watewe n’umutwe na Mugabo Gabriel, umunyezamu agerageje kuwukuramo agwano nawo mu izamu.