Mu gitondo cyo kuri iki Cyumweru tariki 16 Gicurasi 2021 ni bwo ikipe APR FC yirukanye mu mwiherero umukinnyi wayo Bukuru Christophe kubera imyitwarire mibi.

Iyi nkuru dukesha urubuga rwa APR FC ivuga ko iki gikorwa cyabereye imbere y’abakinnyi bagenzi be ndetse na Staff.

Umuyobozi wa APR FC aheraho yibutsa abakinnyi basigaye ko basabwa kugaragaza imyitwarire myiza igihe cyose. Yibutsa ko APR FC nk’ikipe y’Ingabo isabwa kuba intangarugero mu yandi ma kipe ndetse no mu muryango nyarwanda.

Uyu mukinnyi wo hagati asanzwe akinira Ikipe y’Ingabo APR FC kubera imyitwarire mibi yagiye imuranga, akagirwa inama kenshi agakomeza kugorwa no kwikosora, Ubuyobozi bwa APR FC bwahisemo kumwirukana mu mwiherero kugira ngo ajye kwitekerezaho.

Bukuru Christophe abaye umukinnyi wa gatatu wirukanywe muri APR FC kuva umutoza Adil Mohamed yatangira gutoza iyi kipe, nyuma ya Sugira Ernest ndetse na Ishimwe Kevin.

MENYA UMWANDITSI

Sammy Imanishimwe

Umunyamakuru

@ Samishimwe

Reba inkuru zose nanditse ( 2586 )