APR FC yatsinze Rayon Sports, ihita iyirusha amanota atandatu (AMAFOTO)

Ikipe ya APR Fc yihereranye Rayon Sports iyitsinda ibitego 2-0, mu mukino usoza imikino ibanza wabereye kuri Stade Amahoro

Ikipe ya APR FC yafunguye amazamu ku munota wa 19, ku mupira Omborenga Fitina yazamukanye agacenga Iranzi Jean Claude na Eric Rutanga, umupira ahinduye Mirafa awukuyeho biranga, maze Lague Byiringiro ahita atera ishoti rikomeye umunyezamu Kimenyi Yves ntiyabasha kuwugarura.

Nyuma yo gusoza igice cya mbere bigaragara ko Rayon Sports iri kurushwa, umutoza mbere yo gutangira igice cya kabiri yakoze impinduka ebyiri, akuramo Nizeyimana Mirafa na Olokwei Commodore, yinjiza Nshimiyimana Amran na Ciiza Hussein.

Ku munota wa 49 w’umukino, Byiringiro Lague yaje guhabwa ikarita yahawe ikarita itukura nyuma yo gukorera ikosa Eric Rutanga, ahabwa ikarita ya kabiri y’umuhondo ikurikira iyo yari yahawe ubwo yatsindaga igitego agakuramo umupira.

Nyuma yo guhabwa ikarita itukura, umutoza yakoze impinduka mu rwego rwo gukomeza ubwugarizi, yinjijemo Mushimiyimana Mohamed na Buteera Andrew.

Ku munota wa 88 w’umukino, APR FC yaje kubona Coup-Franc, maze Manzi Thierry aza kuyitsinda, umukino urangira gutyo APR FC itsinze Rayon Sports ibitego 2-0

Abakinnyi babanje mu kibuga

APR FC: Rwabugiri Umar, Omborenga Fitina, Manzi Thierry, Mutsinzi Ange, Imanishimwe Emmanuel, Niyonzima Olivier Sefu, Bukuru Christophe, Manishimwe Djabel, Niyomugabo Claude, Byiringiro Lague na Danny Usengimana

Rayon Sports: Kimenyi Yves, Iradukunda Eric Radu, Iragire Saidi, Ndizeye Samuel, Rutanga Eric, Nizeyimana Mirafa,Olokwei Commodore, Oumar Sidibe, Iranzi Jean Claude, Michael Sarpong na Bizimana Yannick

Amwe mu mafoto yaranze uyu mukino

Amafoto: Nyirishema Fiston

kigalitoday android app mobile

Ibitekerezo   ( 5 )

Ndashimira cyane ubuyobozi bwa apr fc nkashimira abakinyi bose bakomeze batwihere ibyishimo ,

Nshimiyimana pascal yanditse ku itariki ya: 27-12-2019  →  Musubize

turabashimiye cyane kubwamakuru meza mutugezaho kandi kugihe
mukomereze aho (2020) tuyibemo neza .

BYIRINGIRO GERMAIN yanditse ku itariki ya: 3-01-2020  →  Musubize

Murakoze kutubwira ayomakurumujyemutubwira nayandiyosemurakoze

Niyomugabo apr fc pierre yanditse ku itariki ya: 22-12-2019  →  Musubize

Apr
Yaduhaye
New years

nshimiyimanajoseph yanditse ku itariki ya: 22-12-2019  →  Musubize

turabashima komutujyejejeho umukino ukuwarajyiye twishimiye itsinzi ya apr fc ni danniel inyanza mumurenge wa BUSORO

uwizeyimana danniel yanditse ku itariki ya: 21-12-2019  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka