Ikipe y’igihugu y’u Rwanda isoje urugendo yagiriraga muri Kenya mu gikombe cya CECAFA ifite amanota 4, nyuma yo gutsinda umukino wa nyuma ari nawo wa kane yakinaga mu itsinda.

Bamwe mu bafana b’u Rwanda batuye i Nairobi

Amabendera y’u Rwanda yari ahari i Machakos

Mu mukino wo kuri uyu wa Gatandatu, Amavubi niyo yafunguye amazamu ku munota wa 18 w’igice cya mbere, igitego cyatsinzwe na Nshuti Innocent ku mupira yari ahinduriwe neza na Ombolenga Fitina, akaba nawe yari awuhawe na Bizimana Djihad.

Nshuti Innocent yishimira igitego cya mbere yatsinze mu mavubi kuva yatangira kuyakinira

Nshuti Innocent watsinze igitego cye cya mbere mu ikipe y’igihugu

Ku munota wa 29 gusa, Ikipe ya Tanzania yaje kwishyura igitego, igitego cyatsinzwe na Daniel Reuben Lyanga, ku mupira nawe yari ahinduriwe neza na Mohamed Hussein Mohamed, ahita atsinda igitego cy’umutwe.

Abakinnyi basohoka mu rwambariro, barangajwe imbere na Djihad Bizimana wari kapiteni uyu munsi

Bafata ifoto mbere y’umukino

Igice cya mbere cy’umukino cyaje kurangira amakipe yombi anganya igitego 1-1, umutoza Antoine Hey aza guhita akuramo Nshimiyimana Amran yinjiza Yannick Mukunzi mu kibuga hagati, nyuma yaho gato ahita anakuramo Nshuti Innocent yinjiza Biramahire Abeddy.

Biramahire Abeddy amaze gutsinda igitego cya kabiri

Biramahire Abeddy ashima Imana nyuma yo gutsinda igitego cyahesheje Amavubi intsinzi

Ku munota wa 65 w’umukino, Ombolenga Fitina nanone yaje guhindura umupira mwiza mu rubuga rw’amahina, Biramahire Abeddy wari uhagaza neza aza guhita atsindira Amavubi igitego cya kabiri, umukino urangira Amavubi atsinze ibitego 2-1

Ombolenga ubwo yatangaga umupira wavuyemo igitego cya kabiri

Ombolenga yari yazonze ab’inyuma ba Tanzania

Abakinnyi babanje mu kibuga

Rwanda: Nzarora Marcel, Mbogo Ali, Kayumba Soter, Ombolenga Fitina, Eric Rutanga, Nshimiyimana Amran, Bizimana Djihad, Hakizimana Muhadjili, Mico Justin na Nshuti Innocent

Tanzania: Aishi Salum Manula, Erasto Edward Nyoni, Kennedy Wilson Juma, Jonas Gellard Mkude, Raphael Daud Loth, Ibrahim Ajibu Migomba, Hamid Mao Mkami, Daniel Reuben Lyanga, Yahya Zayd Omary, Abdul Hilary Hassan, Mohamed Hussein Mohamed.

Bamwe mu bafana b’u Rwanda batuye i Nairobi

Ombolenga Fitina wari uri mu bihe bye uyu munsi, yatanze imipira ibiri yavuyemo ibitego

Mu mukino w’uyu munsi Amavubi yabonye amahirwe menshi yo gutsinda

Manzi Thierry, Mbogo Ali na bagenzi babo bacungira hafi ba rutahizamu ba Tanzania

Manzi Thierry, Mbogo Ali na bagenzi babo bacungira hafi ba rutahizamu ba Tanzania

Umwe mu bafana b’AMavubi aririmba indirimbo y’igihugu

Nzarora Marcel wabanje mu izamu

Amavubi mu kugarira uyu munsi yari ahagaze neza

MENYA UMWANDITSI

Sammy Imanishimwe

Umunyamakuru

@ Samishimwe

Reba inkuru zose nanditse ( 2586 )