Ubwo umukino wasozwaga, byagaragaraga ko Onana yari yibagiwe ko afite isabukuru, abakinnyi bari kumwe na Rwaka umutoza wungirije, bamukoraho uruziga ari nako bamumenaho amazi baririmba bati “Happy Birthday Onana”.

Abafana muri sitade, na bo bahise bakoma ya mashyi yabo y’urufaya bati, Onana, Onana, nyuma yo kumumenaho amazi bazanye gato (gateau) abakinnyi batangira kuyimusiga mu isura yose, ari na ko ibyishimo byamurenze, agerageza kubacika abahunga bamwirukaho ari nako bamuririmbira.

Ibyo byose byabaga Umuyobozi wa Rayon Sports Jean Fidèle Uwayezu aseka aho yabikurikiraniraga aho yari yicaye mu myanya y’icyubahiro aho yari kumwe n’abafana b’imena, barimo abigeze kuyobora iyo kipe mu myaka yashize.

André Esombe Onana, amaze imyaka ibiri muri Rayon Sports, aho afatwa nk’umukinnyi w’inkingi ya mwamba muri iyo kipe.

MENYA UMWANDITSI

Servilien Mutuyimana

Umunyamakuru

@ mutuyiserv

Reba inkuru zose nanditse ( 1852 )