Rayon Sports isezereye Bugesera, AS Kigali yongera gutsinda Gasogi (AMAFOTO)

Mu mikino yo kwishyura ya 1/4 cy’igikombe cy’Amahoro yabaye kuri uyu wa Kabiri, Rayon Sports yasezereye Bugesera naho Gasogi ikurwamo na AS Kigali

Ikipe ya Rayon Sports ni yo yabonye amahirwe yo gutsinda igitego mbere, Muhire Kevin yasigaranye n’umunyezamu wenyine ku munota wa gatanu w’umukino, umupira awutera hejuru y’izamu.

Ku munota wa 12 Rayon Sports yaje gutsinda igitego cya mbere, ku mupira waturutse kuri Essomba Willy Onana, Musa Esenu ahita awohereza mu izamu.

Ku munota wa 33, Muhire Kevin yahaye umupira mwiza Nizigiyimana Kharim Mackenzie, ahita awinjirana mu rubuga rw’amahina, awuhindura imbere y’izamu, Onana ahita atsindira Rayon Sports igitego cya kabiri.

Mu gice cya kabiri cy’umukino n’ubwo amakipe yombi yagiye asimbuza nta gikomeye cyabayemo, usibye umupira umwe Bugesera yateye Kwizera Olivier awukuzamo ukuguru.

Abakinnyi babanje mu kibuga

Bugesera FC : Nsabimana Jean de Dieu, Mucyo Didier Junior, Ishimwe Élie, Muhinda Brian, David Samuel, Nkurunziza Seth, Hoziyana Kennedy, Osaluwe Raphaël, Muniru Abdul Rahman, Sadick Sulley na Chukwuma Odili.

Rayon Sports : Kwizera Olivier, Nizigiyimana Karim Mackenzie, Iranzi Jean Claude, Ndizeye Samuel, Niyigena Clément, Kwizera Pierrot, Mugisha François, Muhire Kevin, Nishimwe Blaise, Léandre Onana na Musa Esenu.

Mu mukino wundi wa 1/2 wabereye kuri Stade ya Kigali i Nyamirambo, AS Kigali yasezereye Gasogi United nyuma yo kunganya igitego 1-1, aho mu mukino ubanza AS Kigali yari yatsinze Gasogi igitego 1-0

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka