Jacques Tuyisenge yahawe nimero azambara muri APR FC

Yanditswe na

Isaac Kuradusenge

11-10-2020 - 11:58' | Ibitekerezo ( )

Rutahizamu w’ikipe ya APR FC Jacques Tuyisenge yemerewe na mugenzi we Nizeyimana Djuma ko agomba kumuha nimero 9 asanzwe yambara mu ikipe y’igihugu we akambara nimero 7.

Nk’uko byatangajwe n’urubuga rwa Internet rw’ikipe ya APR FC ,Djuma Nizeyimana yemeye gutanga nimero 9 yari asanzwe yambara ayiharira rutahizamu mushya w’iyi kipe Jacques Tuyisenge .

Djuma Nizeyimana azambara nimero 7 yari isanzwe yambarwa na Nkomezi Alexis watandukanye n’iyi kipe.

Nimero 7 Djuma Nizeyimana yahisemo kwambara yaherukaga kwambarwa na Nkomezi Alexis wayambaye nyuma ya Mugiraneza Jean Baptiste Migi wayambaye nyuma yo kugaruka muri APR FC n’abandi bakinnyi barimo Benedata Janvier.

Ubusanzwe Jacques Tuyisenge yambara nimero 9 mu ikipe y’igihugu Amavubi, muri Gormahia, muri Petro Atletico de Luanda no muri Police FC.