Basketball U18: U Rwanda mu itsinda rimwe na Mali ibitse igikombe

Ikipe y’u Rwanda y’ingimbi zitarengeje imyaka 18, yisanze mu itsinda rya kabiri mu gikombe cy’Afurika (FIBA U-18 MEN’S AFRICAN CHAMPIONSHIP), ririmo n’igihugu cya Mali kibitse igikombe giheruka.

U Rwanda rwisanze mu itsinda rimwe na Mali
U Rwanda rwisanze mu itsinda rimwe na Mali

Ikipe y’Igihugu y’u Rwanda y’ingimbi zitarengeje imyaka 18, yisanze muri iri tsinda rya 2 nyuma ya tombola yabaye kuri uyu wa gatatu mu mujyi wa Antananarivo muri Madagascar, aho iri rushanwa rizabera, rigatangirira kuri uyu wa Kane tariki 4 Kanama 2022.

Ubwo iri rushanwa riheruka kuba muri 2020, ryabereye mu Misiri ndetse rinegukanwa na Mali ku nshuro ya 2, nyuma yo kuryegukana nanone muri 2018, ubwo ryaberaga mu mujyi wa Bamako muri icyo gihugu.

U Rwanda ubwo ruheruka kwitabira iri rushanwa muri 2018, rwasoje ku mwanya wa 6.

Kuri iyi nshuro iri rushanwa ryitabiriwe n’ibihugu 10 ari byo Madagascar, Algeria, Angola, Benin, Misiri, Guinea, Mali, u Rwanda, Senegal na Tanzania.

Ubwo u Rwanda ruheruka kwitabira iri rushanwa rwegukanye umwanya wa 6

Dore uko tombola yagenze

Group A

 Madagascar
 Senegal
 Algelie
 Benin

Group B

 Mali
 Egypt
 Guinea
 Angola
 Rwanda

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka