KT TV
Amakipe yombi ya REG BBC yatangiye neza imikino ya Kamarampaka
Ku mugoroba wo ku wa Gatanu taliki 29 Ukwakira 2021, muri Kigali Arena hatangiye imikino ya kamarampaka (playoffs), aho amakipe yombi ya REG mu bagabo no mu bagore yitwaye neza.
REG WBBC (abagore) yahoze yitwa Ubumwe nyuma ikaza guhindurirwa izina nyuma yo kwegukanwa na REG, ni yo yatangiye icakirana na The hoops Rwanda, maze biyoroheye nyuma yo kuyobora uduce twose, itsinda The hoops Rwanda amanota 74 kuri 47.
Ku isaa mbili z’umugoroba umukino wari utegerejwe na benshi, hagati ya Patriots ifite igikombe cya shampiyona giheruka na REG BBC yatsindiwe ku mukino wa nyuma ubushize, waje gutangira maze ikipe ya REG BBC ikomeza kuyobora umukino kugeza inawutsinze n’amanota 66-63 (25-18, 8-11, 18-19, 15-15).
Shyaka Olivier wa (REG) ni we watsinze amanota menshi muri uyu mukino kuko yatsinze 30 anakora rebounds esheshatu (6).
Imikino ya kabiri irakinwa kuri uyu wa Gatandatu guhera saa kumi n’igice z’umugoroba (16h30), aho REG WBBC iza gucakirana na The hoops Rwanda na ho saa moya z’ijoro (19h00’) ikipe ya Patriots ihure na REG BBC.
Amakipe yaraye atsinze imikino ya mbere naramuka atsinze indi kuri uyu wa Gatandatu arahita yegukana ibikombe bidasubirwaho.
Ibitekerezo
Ohereza igitekerezo
|
|
