Mu bakinnyi 24 bahagurutse i Nyanza, Gasore niwe wambutse umurongo usoza isiganwa ari ku mwanya wa mbere nyuma yo kongera umuvuduko habura metero magana ane.

Ku ntera y’ibirometero 145, Gasore yakoresheje amasaha atatu iminota 49 n’amasegonda 15 akurikirwa na Hakizimana Seth hamwe na Mugisha Moise bakoresheje ibihe bimwe.

Gasore Hategeka wari usanzwe ayoboye urutonde rusange nyuma y’amasiganwa arindwi amaze gukinwa muri Cycling Cup, yiyongereye amahirwe yo kuzegukana aya marushanwa abura isiganwa rimwe ngo asozwe.

Mu isiganwa ry’abakobwa ry’ibirometero 114 ryahereye i Muhanga,ikipe ya Benediction Club yongeye kwiharira imyanya ya mbere aho umukinnyi wayo Tuyishimire Jacqueline yatsinze agakurikirwa na bagenzi be bane bakinana muri Benediction.

Ingimbi nazo saziganwe ku ntera y’ibirometero 114 irushanwa ryegukanwa na Gahemba Barnabe,murumuna wa Areruya Joseph bakaba abahungu ba Gahemba nawe wigeze gukina umukino w’amagare ku rwego rw’igihugu.

Isiganwa risoza amarushanwa ya Rwanda Cycling Cup y’uyu mwaka rizakinwa tariki ya 15 Ukuboza.

10 ba mbere mu bakuru:

GASORE Hategeka (Nyabihu Cycling Team) 3h 49’ 15"
HAKIZIMANA Seth (Les Amis Sportifs) 3h 49’ 15"
MUGISHA Moise (FLY Cycling Club) 3h 49’ 15"
HAKIRUWIZEYE Samuel (CCA) 3h 49’ 17"
NKURUNZIZA YVES (Benediction Club) 3h 49’ 17"
NIYIREBA INNOCENT (Benediction Club) 3h 49’ 21"
GASHIRAMANGA Eugene (Les Amis Sportifs) 3h 49’ 35"
RUGAMBA Janvier (Les Amis Sportifs) 3h 49’ 38"
ARERUYA Joseph (Delko Marseille) 3h 53’ 50"
DUKUZUMUREMYI Fidele (FLY Cycling Club) 3h 53’ 50"

Batatu ba mbere mu bakobwa:

TUYISHIMIRE Jacqueline (Benediction Club) 3h35’35"
INGABIRE Diane (Benediction Club) 3h35’35"
TUMUKUNDE Genevieve(Benediction Club) 3h35’35"

Batatu ba mbere mu ngimbi:

GAHEMBA Bernabé (Les Amis Sportifs) 3h 06’20"
NSABIMANA Jean Baptiste (FLY Cycling Club) 3h 06’20"
MUHOZA Eric (Les Amis Sportifs) 3h 06’20"