Aya makuru Kigali Today yayahamirijwe n’umwe mu bayobozi b’umuryango wa Kiyovu Sports kuri ubu ufite mu maboko gucunga ikipe umunsi ku munsi, aho yavuze ko imfunguzo z’iyi modoka zibitswe na Juvénal Mvukiyehe uyoboye kompanyi ya Kiyovu Sports yambuwe gucunga ikipe.

Yagize ati "Urufunguzo ni we urufite (Mvukiyehe Juvenal). Ubu turi gushaka imodoka yo kuba iri gutwara ikipe."

Urufunguzo rw’imodoka yatwaraga Kiyovu Sports rubitswe na Mvukiyehe Juvénal

Ibi n’ubundi byabaye impamo mu mukino w’umunsi wa gatanu wa shampiyona wabaye kuwa 2 Nzeri 2023 ubwo yatsindaga Gorilla FC kuko yageze kuri Kigali Pelé Stadium iri mu modoka nto (Coaster).

Iyi modoka yaguzwe mu mwaka wa 2020 aho bivugwa ko Mvukiyehe Juvénal uyoboye Kiyovu Sports Company LTD yatanzemo 80% n’ubwo yari yanditse kuri Kiyovu Sports, ikaba yaratangiye gukoreshwa n’ikipe mu ngendo zitandukanye mu mwaka w’imikino wa 2020-2021.

MENYA UMWANDITSI

Jean Jules Uwimana

Umunyamakuru

@UwimanaJeanJul1

Reba inkuru zose nanditse ( 890 )