Memorial Rutsindura: Amwe mu mafoto yaranze iri rushanwa
Yanditswe na
Sammy Imanishimwe
Rwanda Revenue, UTB GS Officiel de Butare ni zo zegukanye ibikombe mu irushanwa ryo kwibuka Rutsindura Alphonse wahoze ari umutoza wa Volleyball muri Petit Séminaire Karubanda
Kuva ku wa Gatandatu taliki ya 01 Ukwakira kugera taliki ya 02 Ukwakira 2016 ku bibuga bya Petit Seminaire Virgo Fidelis Karubanda, Kaminuza y’u Rwanda ishami rya Huye, ndetse na GS officiel de Butare, habereye amarushanwa yari agamije kwibuka Rutsindura Alphonse wahoze ari umwarimu muri PS Virgo Fidelis , ndetse n’abandi bose bazize Jenoside yakorewe Abatutsi mu mwaka wa 1994.
Aya marushanwa, yaje kurangira mu cyiciro cy’abanyeshuli, ikipe GS officiel de Butare itwaye igikombe nyuma yo gutsinda Lycée de Nyanza, mu bagore Rwanda Revenue Authority itwara igikombe itsinze Ruhango VC, mu gihe mu bagabo ikipe ya UTB (yahoze ari RTUC) yatsinze abahoze biga muri Petit Seminaire Virgo Fidelis nayo yegukana igikombe