Iyo mirimo yemerewe gusubukura yatangiye kuri uyu wa Mbere tariki ya 04 Gicurasi 2020, nk’uko Inama y’Abaminisitiri yari yabyanzuye.

Kuba imirimo imwe n’imwe harimo iy’ubucuruzi ndetse n’ingendo byemerewe gusubukura ariko, ntibivuga ko icyorezo cya COVID-19 cyarangiye mu Rwanda, ari na yo mpamvu abantu basabwa gusubukura imirimo ariko bakubahiriza amabwiriza yo kwirinda.

Hirya no hino mu gihugu abantu bazindutse bajya mu mirimo yabo, ndetse bamwe ku mugoroba wo ku Cyumweru tariki ya 03 Gicurasi bari batangiye gusukura no gutegura aho bari basanzwe bakorera.

Mu mafoto atandukanye, Kigali Today irakwereka uko hirya no hino abantu bazindukiye mu mirimo yabo.

Tugarutse mu Mujyi wa Kigali rwagati, mu gitondo cyo kuri uyu wa Mbere, mu masaha ya kare nta bantu benshi bari barimo.

Mu Mujyi wa Musanze, naho kimwe n’ahandi urujya n’uruza rwongeye kugaragara mu mihanda, mu masoko no mu maduka acuruza.

Imodoka kandi ziri gutwara abagenzi, abubaka bakomeje imirimo, ariko byose bigakorwa hubahirizwa amabwiriza yo kwirinda COVID-19.

Mu Mujyi wa Kigali kandi, ahenshi ku byapa bigeterwaho imodoka imirongo yari miremire, abantu bategereje izibajyana mu kazi.

Kureba andi mafoto menshi KANDA kuri kano gafoto