KT TV
Udushya tw’Umukandida Barafinda wifuza kuyobora u Rwanda
Barafinda Sekikubo Fred, ni umwe mu Bakandida bifuza kuzahatanira umwanya wa Perezida wa Repubulika y’u Rwanda, mu matora ateganijwe mu mu kwezi kwa Kanama 2017.
Mu kiganiro yagiranye n’Abanyamakuru kuri uyu wa Mbere tariki ya 12 Kamena 2017, ageza kandidatire ye kuri Komisiyo y’igihugu y’amatora (NEC), yagaragaje udushya twinshi twatunguye benshi tunasetsa umubare utari muto w’abakurikiye icyo kiganiro.
Muri utwo dushya harimo utu dukurikira :
1. Yatekereje kwiyamamaza abitewe n’imisemburo ya politike imurimo yavukanye
Barafinda yavutse 21 Mutarama 1971. Avuga ko yatekereje kwiyamamaza abitewe n’imisemburo ya politike imurimo kuva akivuka, akayikurana kugeza n’ubu ikimurimo. Avuga ko ubu Abanyarwanda bagiye kunguka umunyapolitike w’akataraboneka.
2. Ntiyitaye ku mashuri ngo icy’ingenzi ni uko azi gusoma no kwandika
Ku myaka 47 afite ngo nta mashuri atize kuko imyaka amaze ubwayo ni amashuri, naho mu mashuri asanzwe ngo si ngombwa icy’ingenzi ni uko azi gusoma no kwandika.
3. Aje guca umuco wo kugumirwa ku bana b’abakobwa
Kuri iyo gahunda afite ngo azajya ahuriza abana b’abahungu n’abakobwa bo mu kigero kimwe ku biro by’umudugudu bashimane, ubundi bubake ingo zabo
4. Yiyamamaje nk’umukandida wigenga, aniyamamaza nk’uhagarariye ishyaka
Barafinda yatangaje ko n’ubwo agifite ibyangombwa ataruzuza nk’umukandida wigenga, anahagarariye ishyaka rye ryitwa RUDA, akaba yizeye ko natemererwa nk’umukandida wigenga, azemererwa nk’uhagarariye ishyaka RUDA.
5. Ishyaka rye ngo rifite impamvu 200 zo gukorera Abanyarwanda
N’ubwo bigaragara ko Barafinda atarabona ibyangobwa byemerera ishyaka rye gukorera mu Rwanda, ngo ni umuyobozi w’Ishyaka RUDA, ishyaka Nyarwanda riharanira ubumwe bw’Abanyarwanda muri demokarasi yihuse, ku mpamvu nziza nyinshi 200.
Iri shyaka Barafinda avuga ko rifite Abarwanashyaka barenze Miliyoni icyenda n’ibihumbi 700 (9.700,000) by’Abanyarwanda. Uyu mubare urenze uw’Abamaze kwiyandikisha kuri liste y’itora kuko kugeza ubu abamaze kwiyandikisha basaga Miliyoni esheshatu.
Reba Video Barafinda Sekikubu Fred aganira n’itangazamakuru nyuma yo gutanga kandidatire
Ibitekerezo ( 13 )
Ohereza igitekerezo
|
|
DEMOKARASE YIHUSE KUMPAMVU NZIZA NYINSHI 200 KUBW’U RWANDA NI 2000 K’UBWA AFRICA.+250783428622
hhhh uyu mugabo ni danger
Barafinda rwose yarakwiye kuba umukomedian
uyu numucommedien naho ibyo kuba president byo yabyibeshyemo pe yayobye ahubwo nabe president waba commediens
Uwo arasimbura kanyombya twaramuhaze
umukandida araha pee!guhararira ishyaka ririmo amazi n’umuriro muriryo ndikumva amazi ashobora kuzazimya umuriro.kd nabamenshi azadutembana muri comedy urimo neza rwose.
uyu mugabo arasetsa pee! ndabona iyo murebye ntazi ibye,ubwo uwo yatugeza kuki?
EHHHH NDUMVA ALUMUNYALWENYA ALIKO NGOYIGEZENOKULWALAMUMUTWE
baba huo hajui siasa kbs akaigize commed ndo inamufaa areke abize bakore ibyobigiye ntabyakavukire!
nkurikije Amateka yuwo mugabo arasanaho aje kutwiterera comedy kbsa ntakintu nakimwe kimwemerera kuyobora pe asubire muri Ruda yiwe Ayiyobore ntaniyo tuzi
nibyo kbs nashake company ya comedy kbs ajyerageze amahirwe
hhhhjhhhhhh imbavu zivuyemo gusa afite akabazo mumutwe😂😂😂 hhhhhhhh am done now kandi NEC yamubajije 600people Arababura ngo Afite 9M above gosh this is amazing he made my day gusa haricyabura muriwe He is private candidate and a party Candidate too this man is not normal I swear hhhhhh
Ahubwo iyo avugako azateza umwuga waba Comedy imbere kuko nawe ndumva yabishobora kbs