Sudani y’Epfo yatangaje ko habonetse umurwayi wa mbere wa Covid-19

Leta ya Sudani y’Epfo yatangaje ko hari umurwayi muri icyo gihugu wijyanye ku ivuriro ry’abakozi b’Umuryango w’abibumbye (UN) afite ibimenyetso bya Coronavirus, nyuma yo gupimwa bakayimusangamo.

Umuntu wa mbere wanduye COVID-19 yabonetse muri Sudan y
Umuntu wa mbere wanduye COVID-19 yabonetse muri Sudan y’Epfo

Minisiteri y’Ubuzima y’icyo gihugu ivuga ko uwo murwayi yagiye kwa muganga ku itariki 02 Mata 2020 afite umuriro, ababara umutwe, akorora ndetse afite ibibazo byo kudahumeka neza, ibimenyetso byafashwe bimaze gupimwa tariki 04 Mata 2020 bikaba byaragaragaje ko yaranduye Covid-19.

Sudani y’epfo iri mu bihugu bya nyuma ku isi yose bigaragawemo abanduye agakoko Coronavirus gatera indwara ya Covid-19.

Ibihugu hamwe n’uduce tw’isi bigera kuri 208 biravugwamo abarwayi ba Covid-19 barenga miliyoni imwe n’ibihumbi 216 kugera ku manywa yo kuri iki cyumweru tariki 05 Mata 2020, kuva cyakwaduka mu ntango z’uyu mwaka.

Icyorezo Covid-19 cyari kimaze guhitana abarenga ibihumbi 66 hirya no hino ku isi kugera kuri iki cyumweru, ariko na none hari abarenga ibihumbi 254 bamaze kukirwara bagakira.

Mu Rwanda naho mu baturage 102 kimaze gufata kuva tariki 13 Werurwe 2020 kugera ku manywa yo kuri iki cyumweru, bane bamaze gukira nk’uko byagaragajwe na Minisiteri y’Ubuzima, bakaba bahise basezererwa barataha.

MENYA UMWANDITSI

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka