Kenya: Mu masaha 24 habonetse abantu 245 banduye COVID-19

Ministeri y’ubuzima muri Kenya yatangaje ko kuri uyu wa mbere habonetse abandi bantu 245 banduye covid-19 nyuma y’ibipimo 3,150 byafashwe mu masaha 24 ashize.


Kugeza ubu muri Kenya abarwaye covid-19 bose ni 30,365, abamaze guhitanwa n’icyo cyorezo ni 482, naho abamaze gukira ni 17,160.

Amakuru yashyizwe ahagaragara n’ikinyamakuru The Daily Nation cyandikirwa muri Kenya aravuga ko muri bariya 245 basanzwemo covid-19 kuri uyu wa mbere, umunani muri bo bitabye Imana na 504 bakize mu masaha 24 ashize, barimo 461 bakiriye iwabo mu rugo abandi 43 bakiriye kwa muganga.

Mu bapfuye mu masaha 24 ashize, harimo abari bafite ibindi bibazo by’uburwayi nk’uko byemejwe n’urwego rushinzwe ubuvuzi muri Kenya.

Mu bwandu bushya 245 bwabonetse muri Kenya guhera ku cyumweru kugeza ku wa mbere, 237 ni abanyakenya, umunani ni abanyamahanga.

Amakuru aturuka muri Kenya kandi aravuga ko mu barwaye covid-19 mu gihugu hose, umuntu muto kugeza ubu ni umwana w’ukwezi kumwe, naho umurwayi ukuze kurusha abandi afite imyaka 79. Muri abo bashya basanzemo COVID-19, abagabo ni 145, abagore ni 100.

Shakisha izindi nkuru
kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka