DRC: Abanduye COVID-19 bageze kuri 23, umwe iramuhitana

Minisitiri ushinzwe Ubuzima muri Repubulika ya Demukarasi Kongo, Dr. Eteni Longondo, yatangaje ko umubare w’abarwayi ba COVID-19 wavuye kuri 18 uba 23 nyuma y’uko habonetse abandi barwayi batanu, atangaza ko hari n’uwo yahitanye.

Dr. Eteni Longondo, Minisitiri w
Dr. Eteni Longondo, Minisitiri w’Ubuzima muri RDC (Photo:Internet)

Uwahitanywe na yo ni Dr. Dedie Bandubola Dircaba wari wungirije ushinzwe ibiro bya Minisitiri w’Ubukungu, Acacia Bandubola, muri Repuburika iharanira Demokarasi ya Kongo, akaba umuntu wa karindwi wagaragayeho icyorezo cya COVID-19 muri iki gihugu.

Leta ya Repuburika iharanira Demokarasi ya Kongo yageneye Minisiteri y’Ubuzima miliyoni imwe n’ibihumbi 800 by’amadolari y’Amerika, yo gukumira icyorezo cya COVID-19, amafaranga Dr. Longondo avuga ko azakoreshwa mu bukangurambaga n’ibikorwa byo kwita ku barwayi.

Leta ya Kongo yasabye ko abantu birinda ibikorwa bibahuza harimo imikino, insengero, ibirori, ubukwe no gushyingura ndetse hahagarikwa indege zitwara abagenzi.

Ishami ry’Umuryango w’Abibumbye ryita ku Buzima (OMS), rigaragaza ko kugera tariki ya 21 Werurwe 2020 abantu 277,312 bamaze kwandura icyorezo cya COVID-19, kimaze guhitana abantu 11,554, naho abamaze gukira ni 91,994, mu gihe mu barwayi 173,764 bari kwitabwaho, abarwayi 165,851 bangana na 95% bari mu bihe bidakanganye, naho 7,913 bangana na 5% bararembye.

MENYA UMWANDITSI

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka