Ubusanzwe, Ingabo za RDF zibungabunga umutekano w’abaturage n’uwa Perezida wa Repubulika ya Santarafurika, Faustin Archange TOUADERA; ariko zabitangiriye ku wari usanzwe ayobora inzibacyuho muri icyo gihugu, Mme Catherine Samba Panza.

Ubwo Perezida w’Ubufaransa, Francois Hollande, yageraga muri Santarafurika kuri uyu wa Gatanu, tariki 13 Gicurasi 2016, byagaragaye ko yacungiwe umutekano n’Ingabo z’u Rwanda zifatanyije n’iz’Ubufaransa ziri mu butumwa bwo kubungabunga amahoro muri Santarafurika (CAR), aho yari kumwe na mugenzi we Faustin Touadera.

Aba bakuru b’ibihugu byombi basuye uduce dutandukanye tw’umurwa mukuru wa Santarafurika, Bangui, harimo ahitwa Centre Pastoral ya 4 ARR na PK5 muri 3 ARR hatuwe cyane n’abayoboke b’idini ya Isilamu.

Ibitangazamakuru biravuga ko Perezida Hollande yari aje kumenyesha abanya-Santarafurika ko Ubufaransa bukuye Ingabo zabwo muri icyo gihugu, ariko ko bazakomeza imikoranire irimo gutanga amahugurwa n’ibindi bikoresho bikenewe.

Kuva mu mpera za 2012 iki gihugu cyadutsemo amakimbirane ashingiye ku madini hagati y’abakirisitu biremye umutwe wiswe SELEKA ndetse n’abayisilamu.