Burundi : Abakekwaho kuba bihishe inyuma y’ubwicanyi bw’i Gatumba bashyikirijwe urukiko.
Kuri uyu wa gatatu tariki ya 16/11/2011, abantu bagera kuri 20 bakekwaho kuba bari inyuma y’ubwicanyi bwabereye i Gatumba tariki ya 18 z’ukwezi kwa cyanda uyu mwaka bashyikirijwe urukiko rw’i Bujumbura.
Urubuga rwa interinet www.africapresse.com rwanditse ko ababuranira abakekwaho icyo cyaha banenze inteko y’abacamanza igizwe n’abacamanza batanu. Bavuga ko batahawe igihe gihagije kugira ngo basome amadosiye y’abakiriya babo. Bakongera ho ko muri ayo madosiye nta nyandiko ya komisiyo y’igihugu ishinzwe iby’iperereza irimo.
Inteko y’abacamanza yahise ibongerera igihe, urwo rubanza rukazasubukurwa ku itariki ya 01/12/2011.
Abo bagabo bashyikirijwe urukiko baregwa ko bihishe inyuma y’ibitero byabaye mu ijoro ryo ku itariki ya 18 ishyira iya 19/09/2011. Ibyo bitero byibasiye akabari gaherereye muri zone ya Gatumba, muri kimini ya Mutimbuzi ho mu ntara ya Bujumbura, maze hapfa abantu bagera kuri 40.
Norbert NIYIZURUGERO
Ibitekerezo ( 2 )
Ohereza igitekerezo
|
Ibihugu vyacu ntaco vyari bibaye bibuze abayoboka Imana vyukuri’ kandi bubahiriza abanyagihugu gutyo bigatwarwa neza .enda nimwikebuke mureke gutabagura ibihugu vyanyu ntaho muzigera mushika kuvyo mushaka.ureste ko Imana yabashvuriye vyimwihariko.
Muduha amakuru ashaje kabisa;mpa kazi nze ndabaha amakuru agezweho buri musi kandi ikinyarwanda nokigerageza buriya,Mu komere.
E.Cl Bujumbura( journalite)