Botswana: Perezida yagiye mu kato kubera COVID-19

Perezida w’igihugu cya Botswana Mokgweetsi Masisi yagiye mu kato k’iminsi 14 kuva tariki ya 21 Werurwe kubera ingendo yakoreye mu gihugu kirimo COVID-19.

Perezida Mokgweetsi Masisi
Perezida Mokgweetsi Masisi

Perezida Mokgweetsi Masisi yaherukaga mu gihugu cya Namibia kimaze kubonekamo abantu batatu bafite icyorezo cya COVID-19 asabwa kujya mu kato kugira ngo harebwe niba ataranduye.

Ibiro bya Perezida muri Botswana bivuga ko azakomeza akazi ariko ari ahantu ha wenyine kugira ngo niba yaranduye atagira uwo yanduza.

Dr Malaki Tshipayagae ushinzwe kurwanya icyorezo cya COVID-19 muri Botswana yasabye ko abaherekeje perezida muri Namibia na bo bashyirwa mu kato.

Perezida wa Botswana Mokgweetsi Masisi kuwa gatandatu tariki 21 Werurwe yari yagiriye uruzinduko rw’igitaraganya mu gihugu cya Namibia guhura n’abandi bayobozi b’ibihugu mu Karere baganira uburyo bakumira icyorezo cya COVID-19.

MENYA UMWANDITSI

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka