Perezida Kagame arakira abayobozi b’uturere kuri uyu mugoroba

4-07-2013 - 20:25' | Ibitekerezo ( )

Nyuma yo kwizihiza umunsi wo kwibohoza ku nshuro ya 19, umunsi wizihirijwe mu midugudu, biteganyijwe ko abayobozi b’ubuturere bahura na Perezida Kagame kuri uyu mugoroba wa taliki ya 4 Nyakanga 2013.

Ibi biganiro Perezida aza kugirana n’abayobozi kuri uyu mugoroba bizakurikirwa n’ikindi kiganiro Perezida Kagame azagirana n’abagore baturutse mu nzego zitandukanye harimo abavuye mu turere twose tugize u Rwanda ejo taliki 05/07/2013.

Biteganyijwe ko Perezida Kagame yakirira abayobozi mu rugwiro mu gihe abagore bazahurira muri sitade nto i Remera ndetse bakaganira ku ntambwe u Rwanda rumaze gutera rubifashijwemo n’abagore mu myaka 19 u Rwanda rumaze rwibohoye, bakazarebera hamwe n’icyakorwa kugira ngo intambwe yatewe idasubira inyuma.

Sylidio Sebuharara