Umuyobozi mukuri w’ibitaro bya Kibungo Dr MUNYEMANA Jean Claude agaragaza ko iyi service yiyongereye ku zo Abaganga b’Abashinwa babafashagamo ari inyungu ku bagana ibi bitaro.

Yagize ati’’Turashima cyane iyi service batuzaniye nyuma y’ibitaro bya Masaka. Iyi service ya Acupuncture izafasha n’abaganga bakorana n’Abashinwa kunguka ubumenyi muri ubu buvuzi bushya."

Ambasederi w’Ubashinwa mu Rwanda Gao Wenqi ashima ubufatanye bw’abaganga baturuka mu Bushinwa mu myaka icumi bamaze mu Rwanda bavura hirya no hino mu gihugu.

Ubuyobozi bw’ibitaro bya Kibungo bugaragaza ko bitewe n’uko iyi servce ya Acupuncture ikiri gutangira bataragira umubare munini w’abayigana bagasaba abarwayi bumva bafite ibibazo by’uburwayi bw’amavi cyangwa urutirigongo n’ahandi kugana ibi bitaro bagafashwa.