General Muhoozi akigera ku kibuga cy’indege Mpuzamahanga cya Kigali I Kanombe, yakiriwe na mugenzi we w’u Rwanda, General Mubarakh Muganga.

Muri uru ruzinduko, biteganyijwe ko azahura na Perezida wa Repubulika y’u Rwanda, Paul Kagame, baganire ku ngingo zitandukanye zirimo umutekano n’ubufatanye hagati y’ibihugu byombi.

Uru ruzinduko ruje mu gihe u Rwanda na Uganda bikomeje gushimangira umubano n’imikoranire mu nzego zitandukanye, by’umwihariko mu bijyanye n’umutekano w’Akarere no guteza imbere ubufatanye bw’ibihugu byombi.

Biteganyijwe ko ibiganiro bizibanda ku gushimangira ubufatanye mu bya gisirikare no ku mutekano rusange, mu rwego rwo gukomeza guteza imbere ituze n’iterambere rirambye mu karere.