KT TV
Gushyirwa mu byiciro bya Mituweli byakoranywe ubushishozi - Minisitiri w’Intebe
Minisitiri w’Intebe Dr. Justin Nsengiyumva, yabwiye Inteko Ishinga Amategeko imitwe yombi, ko abaturage batagmba kugira impungenge z’ibyiciro by’amafaranga azatangwa muri gahunda nshya y’Ubwisungane mu kwivuza, Mituweli, kuko "byakoranywe ubushishozi."
Avugana n’Inteko Rusange y’imitwe yombi mu Kiganiro kigira kiti "umuturage ku isonga", Minisitiri w’Intebe Nsengiyumva yagize ati "Ku bijyanye n’ibi byiciro, ndagira ngo mpumurize abaturage ko byakoranywe ubushishozi."
Amafaranga y"ubwisungane rusange bw’ubuzima, yavuye ku bihumbi bitatu ku muntu ku mwaka, maze ashyirwa mu byiciro binyuranye, biri hagati y’ibihumbi bitatu, Frw, kugera ku bihumbi makumyabiri.
Dr. Nsengiyumva, yavuze ko iyi ari gahunda igamije kongerera ubushobozi urwego rw’ubuvuzi, ku buryo abarwayi bazajya babona ubuvuzi ku ndwara zinyuranye.
Abaturage bamwe bamaze iminsi bavuga ko bashyizwe mu byiciro bidahuye n’ubushobozi bw’ubukungu bafite.
Minisitiri w’Intebe, yavuze ko ibibazo byagaragaye mu byiciro bya Mituweli bizakomeza gusuzumwa, maze aheraho abereka akamaro ka mituweli.
Yerekanye ko hagati y’umwaka wa 2026-2027 amafaranga ya mituweli azagera kuri miliyari mirongo irindwi, ahwanye na 48% by’amafaranga akenewe. Asigaye, ngo azatangwa na Leta.
Atanga urugero rw’igiciro cy’ubuvuzi bw’impyiko, ubu bwitwa Dialise, ngo umurwayi yakwishyura Miliyoni 9.4 aramutse yiyishyuriye ijana ku ijana.
Icyakora, umurwayi uri muri mituweli wishyuye 10% yakwishyura 941,000 ku mwaka, bikaba byamufasha kuzigama miliyoni zirenze umunani.
Hagati aho, mu buryo bwa mituweli, umuturage ugiye kwivuza ku kigo nderabuzima, yishyura gusa amafaranga 200 frw, ariko yajya ku bitaro akishyura 10% by’ubuvuzi yahawe ku bitaro.
Mu mpinduka zabaye muri mituweli kandi, ubusanzwe ibigo nderabuzima byishyurwa nyuma hamaze kurebwa serivisi uko yatanzwe, bigatuma rimwe na rimwe amavuriro abura imiti.
Ubu noneho ibigo bizajya bihabwa amafaranga mbere, hashingiwe ku mubare w’abarwayi bitaho. Aha, amafaranga bazajya bayahabwa mbere, hanyuma batange raporo.
Iyi gahunda ngo yatangiye mu Ntara y’Uburengerazuba, kandi ngo "izakomeza mu gihugu cyose mu minsi ya vuba."
Icyakora Minisitiri w’Intebe, yongeyeho ko ibyiciro byakozwe, "ntabwo ari ibintu byanditse ku mabuye, bishobra guhinduka, kandi bizajya bigumya bisuzumwe."
Yavuze ko nk’umuntu aramutse afite akazi, nyuma akagatakaza, urubuga rwa Mituweli rwashobora kumuhindurira icyiciro.
Ikindi kandi, ngo ubonye akazi, na we yazamurwa mu cyiciro cyo hejuru.
Ibitekerezo ( 1 )
Ohereza igitekerezo
|
|
It is difficulty to afford over twenty thousand for each person even you have said that it is important for improving health sector and emphasizing on amount of salary and other income you didn’t think about the family problems solved by that salary and income earned imagine a family which composed by 8 members 6 of them are attending school do you think how the Will struggle?