Yabigarutseho ubwo yafunguraga umwiherero wahuje Abanyamuryango ba FPR-Inkotanyi n’inshuti z’Umuyango batuye ku mugabane w’i Burayi bateraniye i Paris mu Bufaransa aho baganira ku gukomeza ubumwe bw’ Abanyarwanda n’ uruhare rwabo mu iterambere ry’u Rwanda.

Amb. Gasamagera kandi yagejeje kuri aba Banyamuryango ubutumwa bwa Perezida Paul Kagame akaba na Chairman w’Umuryango FPR-Inkotanyi.

Yashimiye abitabiriye uyu mwiherero uruhare bakomeje kugira mu iterambere ry’Igihugu, abasaba gukomeza kugishakira amaboko mu bihugu batuyemo kandi abizeza ko u Rwanda rubashyigikiye mu bikorwa byabo by’ iterambere.

Yagize ati: "Ubumwe buvuga kuba hamwe dufite ikiduhuje, icyerekezo kimwe, duhurije hamwe. Dufite ibiduhuza byinshi birimo isano ku gihugu kimwe, ariko n’indangagaciro zimwe tugenderaho. Dukomeze gusigasira ubwo bumwe."