KT TV
Tanzaniya: Perezida Magufuli yatsindiye manda ya kabiri n’amajwi 84%
Komisiyo y’amatora muri Tanzaniya yamaze gutangaza ku mugaragaro ko Perezida John Pombe Magufuli wo mu ishyaka rya Chama Cha Mapinduzi (CCM), ari we wegukanye intsinzi mu matora y’umukuru w’igihugu, n’amajwi 84%.
BBC yavuze ko Magufuli yakurikiwe na Tundu Lissu wo mu ishyaka rya Chadema, wagize amajwi 13%.
Perezida Magufuli w’imyaka 61, yari ahanganye n’abandi bakandida 14, mu matora yabaye ku wa gatatu w’iki cyumweru.
Perezida Magufuli atsindiye kuyobora Tanzaniya kuri manda ya kabiri y’imyaka itanu ari nayo ya nyuma iteganywa n’Itegeko Nshinga ry’icyo gihugu.
Ishyaka rye Chama Cha Mapinduzi (CCM) ryari risanzwe riri ku butegetsi, ryanatsinze n’ubwiganze bw’amajwi mu matora y’abagize Inteko Ishinga Amategeko, ritsindira imyanya 227 ku myanya 229 yatangajwe.
Ibitekerezo
Ohereza igitekerezo
|
|
