RDC yabujije abakozi bayo bo ku mupaka gutura mu Rwanda

Urwego rushinzwe abinjira n’abasohoka muri Repubulika Iharanira Demokarasi ya Congo (RDC), rwasabye abakozi barwo bakorera muri Kivu y’Amajyaruguru batuye mu Rwanda, gusubira mu gihugu cyabo.

Ni itangazo ryasohotse tariki 29 Kanama 2022, ribuza abakozi bakora ku mupaka gutura mu bindi bihugu harimo n’u Rwanda.

Sixte Ngoy Mukalay, umuyobozi w’urwego rw’abinjira n’abasohoka (DGM) muri Kivu y’Amajyaruguru, yibutsa abakozi bakora ku mupaka ko batemerewe gutura mu bindi bihugu.

Agira ati "Byagaragaye ko hari bamwe mu bakozi ba DGDA muri Kivu y’Amajyaruguru bambukiranya umupaka buri munsi bava aho bakorera bagataha mu mujyi wa Gisenyi, turabibutsa ko aya mabwiriza ari ingenzi, ko abakozi ba Leta batemerewe kujya gutura mu kindi gihugu."

Ngoy asaba abakozi bakorera ku mupaka kwihutira kwimuka bagasubira gutura ku butaka bwa Congo.

Aba bakozi bashinjwa kudakora akazi kabo neza kubera baba barwana no kwambuka umupaka, mu gihe amasaha yo gutaha ageze batanguranwa no kudafungirwaho umupaka, mu gihe Congo yashyizeho itegeko ryo gufunga umupaka saa cyenda z’amanywa, bikaba bisaba ko n’abakozi ba Congo bakora ku mupaka batuye mu mujyi wa Gisenyi bahagarika akazi bakambuka.

Ibibazo by’umutekano mu mujyi wa Goma, bituma abafite ubushobozi bambuka umupaka bakajya gutura mu mujyi wa Gisenyi.

ADVERTISEMENT
rkad1
kigalitoday android app mobile

Ibitekerezo   ( 4 )

Bonjour.
Ntibahohotere uburenganzira bwabo. Abo bakozi bataha hanze ya congo nibabakorere carte igurwa 50$ par mois iriko signature y’urwanda na Cpngo hanyuma babareke bakore gushika baheze akazi neza.Batashe mu mahanga babagirire controle kuri frontière zose.
Hari abategetsi bafata ingingo mbi cane zihotora abantu bishimiye igitugu bafise!Merçi.

Alias yanditse ku itariki ya: 4-09-2022  →  Musubize

Bonjour.
Ntibahohotere uburenganzira bwabo. Abo bakozi bataha hanze ya congo nibabakorere carte igurwa 50$ par mois iriko signature y’urwanda na Cpngo hanyuma babareke bakore gushika baheze akazi neza.Batashe mu mahanga babagirire controle kuri frontière zose.
Hari abategetsi bafata ingingo mbi cane zihotora abantu bishimiye igitugu bafise!Merçi.

Alias yanditse ku itariki ya: 4-09-2022  →  Musubize

Mbanje kubashimura kubona mwaduhaye amakuru y’akarere. Jewe mbona Leta yq Congo yokongereza amasaha yo kugara umupaka bagashikana 17h30 min mugabo ivyo bikaba kubataha hanze ya Congo.Igaca irondera carte yanditse "Travailleurs congolais rentrant à l’étranger" igurishwa 10$ ifise signature ya Congo n’urwanda nka kurya kwa CPGL. Ntibahohotere uburenganzira bw’abantu.

Alias yanditse ku itariki ya: 4-09-2022  →  Musubize

Abanya congo babuzwa uburenga nzira gusa bagomba kumvira ubuyobozi bwabo niba bashaka kuba murwanda bazashashake ibyangombwa bibemerera kuba abanyarwanda ubundi bashake imirimo ibateza imbere murakoze.

EMMANEUL NZAYISENGA yanditse ku itariki ya: 2-09-2022  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka