Perezida Putin yemeje ko u Burusiya bwabonye urukingo rwa COVID-19

Perezida Vladimir Putin w’u Burusiya yemeje ko igihugu cye cyabonye urukingo rwa mbere rwa COVID-19, ndetse ko umwe mu bakobwa be yamaze guhabwa kuri uru rukingo.

Putin yemeje ko urwo rukingo rwizewe ku gukingira icyo cyorezo. Ati “Uko mbizi, muri iki gitondo urukingo rwa mbere rwa Coronavirus rwabonetse”.

Gutangaza ko u Burusiya bwabonye urukingo rwa mbere bisa n’intsinzi mu ruhando mpuzamahanga, mu gihe ibihugu bikomeje urugamba rwo gushaka urukingo rw’iki cyorezo kimaze guhitana abarenga ibihumbi 750, n’abandi barenga miliyoni 20 bamaze kucyandura.

Nubwo u Burusiya bwemeje ko bwamaze kubona urukingo ariko, Ishami ry’Umuryango w’Abibumbye ryita ku Buzima (OMS), nta cyo riratangaza ku kuba urwo rukingo rwemewe cyangwa se rutemewe.

Ibigo nka AstraZeneca Plc na Moderna Inc. na byo bikomeje amagerageza ya nyuma ku nkingo biri gukora, aho byitezwe ko mu gihe cya vuba zizashyirwa ahagaragara.

Icyakora hari ibigo bikora imiti byatangaje ko uku kwihutira kwemeza ko u Burusiya bwabonye urukingo byaba bishobora guteza ibibazo.

Uru rukingo rwakorewe igeragezwa rya gatatu mu cyumweru gishize, byitezwe ko rugomba gutangira guhabwa abaganga mu mpera z’uku kwezi nk’uko byatangajwe na Minisitiri w’Intebe wungirije w’u Burusiya, Tatyana Golikova

Shakisha izindi nkuru
kigalitoday android app mobile

Ibitekerezo   ( 1 )

Hari indwara nyinshi zabuze Umuti n’Urukingo: Malaria,Sida,Cancer,Hypertension,Grippe,etc…
Muli make,nta ndwara iterwa na Virus bari babonera Umuti cyangwa Urukingo.Covid-19 nayo iterwa na Virus.Amaherezo azaba ayahe?Nkuko ijambo ryayo rivuga,Imana yonyine niyo izakuraho Indwara zose ndetse n’Urupfu mu isi izaba paradizo,izaturwa gusa n’abantu bumvira Imana.Soma Ibyahishuwe igice cya 21,umurongo wa 4.Aho gukemura ibibazo isi ifite,usanga ahubwo abantu bateza isi ibibazo byinshi,urugero intambara,akarengane,ruswa,kwiba,...

biseruka yanditse ku itariki ya: 11-08-2020  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka