Madamu Jeannette Kagame yifatanyije na Margaret Kenyatta mu kwizihiza Umunsi Mpuzamahanga w’Abagore
Madamu wa Perezida wa Repubulika, Jeannette Kagame, yizihirije ibirori by’Umunsi Mpuzamahanga w’Abagore i Nairobi muri Kenya, hamwe na mugenzi we Margaret Kenyatta. Ibyo birori byanitabiriwe na Perezida w’icyo gihugu, Uhuru Kenyatta.
Madamu wa Perezida wa Kenya, Margaret Kenyatta, yashimiye Madamu Jeannette Kagame wemeye ubutumire bwe, amushimira uruhare agira muri gahunda zitandukanye zigamije guteza imbere abagore.
Madamu Jeannette Kagame na we yavuze ko yishimiye kuba yifatanyije n’abitabiriye ibirori by’Umunsi Mpuzamahanga w’Abagore i Nairobi.
Mu ijambo rye, Madamu Jeannette Kagame yavuze ko n’ubwo hari byinshi byagezweho mu iterambere ry’abagore, hakiri intambwe ndende yo gutera cyane cyane mu rwego rwo kugera ku buringanire n’ubwuzuzanye bw’abagabo n’abagore.
Yanagaragaje ko abagore ari bo bagerwaho cyane n’ingaruka z’imihindagurikire y’ibihe nk’amapfa, imyuzure, n’inzara. Imibare kandi igaragaza ko mu bakene 70% ari abagore, ibi bigatuma bahura n’imibereho mibi ndetse n’ihohoterwa.
Ati "Ibi rero bigaragaza ko tugomba guhaguruka tugakemura ubusumbane bukigaragara hirya no hino ku Isi kuko ari bwo butuma abagore basigara inyuma mu iterambere biturutse ahanini ku kuba ari bo bibasirwa n’ingaruka z’imihindagurikire y’ibihe."
This morning, First Lady Jeannette Kagame attends the #InternationalWomensDay celebration in Nairobi, Kenya with H.E President Uhuru Kenyatta and H.E @FirstLadyKenya Margaret Kenyatta at the Kenya School of Government.#IWD2022
Follow the live event here: https://t.co/WuyAYDkwru— First Lady of Rwanda (@FirstLadyRwanda) March 8, 2022
Ibitekerezo
Ohereza igitekerezo
|