Nkuko byatangajwe n’akama kagombaga guhitamo uzahabwa iki gihembo ngo “Aba bategarugori uko ari batatu baharaniye uburenganzira n’umutekano by’umugore n’uruhare rwe mukubaka amahoro na demokarasi ,bikaba ari yo mpamvu bashimiwe ubu butwari bagaragaje.

Madme Sirleaf w’imyaka 72 niwe mutegarugori wa mbere watorewe kuyobora igihugu cye muri africa, akaba yatangaje ko yishimiye iki gihembo kandi ko agifata nk’icy’abanyaliberiya bose. Gbowee nawe n’umwe mubategarugori baharaniye bakanitabira ibikorwa by’amahoro haba mu gihugu cye cya liberiya cyakunze kurangwamo intambara ndeste no mumiryango mpuzamahanga iharanira uburenganzira bw’ikirembwamuntu kw’isi, naho Karman wo muri yemen akaba ari nawe mugore wa mbere w’umwarabu uhawe iki gihembo ni umunyapolitiki aka n’umuyobozi w’ishyirahamwe ry’abanyamakuru b’abagore muri yemen.

ubwo hatangazwaga kumugaragaro abahawe iki gihembo bwana horbjorn Jagland wari uyoboye akanama gashinzwe gutanga iki gihembo yagize ati ”ntitwagera kuri demokarasi n’amahoro arambye igihe cyose umugore atarahabwa amahirwe amwe n’ay’umugabo mu iterambere kandi mu nzego zose”

Aba bagore bose uko ari batatu bazagabana ku buryo bungana iki gihembo kingana na Miliyoni imwe n’igice z’Amadolari y’Amerika kubera uruhare bagize mu kurengera uburenganzira bw’abagore na demokarasi.

Marie Josée IKIBASUMBA