Iri buye rifite uburemere bwa carat 2,492, rivumbuwe mu bunini rikurikira iryari ryaracukuwe muri Afurika y’Epfo mu 1905, ryapimaga carat 3,106,

Ryaje kugabanywamo ibice bigera ku icyenda (9), aho byinshi muri byo biri mu nzu ibikwamo imitako y’agaciro mu Bwongereza, British Crown Jewels (Imitako ikoreshwa mu minsi mikuru ikomeye nko mi ihango y’ibwami).

Iyo diyama ya kabiri mu bunini ku Isi yabonetse ahitwa i Karowe, mu kirombe kiri ku bilometero 500 mu Majyaruguru y’Umujyi wa Gaborone, umurwa Mukuru wa Botswana.

Leta ya Botswana yahise itangza ko iri buye rya diyama ari ryo ya mbere rinini ribonetse muri icyo gihugu giherereye mu Majyepfo ya Afrika.

Irindi buye ry’agaciro mu bunini ryaherukaga kuboneka muri Botswana, ryapimaga carat 1,758 naryo ryacukuwe muri icyo kirombe mu 2019.

Botswana ni kimwe mu bihugu bicukura diyama nyinshi, aho yinjiza 20% bya diyama icukurwa ku Isi yose.