Abashinwa bunamiye bagenzi babo bishwe na COVID-19

Mu Bushinwa kuri uyu wa gatandatu tariki 04 Mata 2020, bafashe iminota itatu yo kunamira abaturage 3.300 bishwe n’icyorezo cya Coronavirus.

Abashinwa bunamiye bagenzi babo (Photo:Internet)
Abashinwa bunamiye bagenzi babo (Photo:Internet)

Mu gihugu hose kandi hashyizweho itariki yo kwibuka abantu bazize covid-19, indwara iterwa n’agakoko ka coronavirus.

Saa yine zuzuye ku isaha yo mu Bushinwa, ni ukuvuga saa cyenda z’igicuku ku isaha mpuzamahanga, abaturage bose mu bushinwa bahagurutse bamara iminota itatu bucece bazirikana ku bantu babo batakiriho kubera covid-19.

Nyuma y’iminota itatu, imodoka, za gari ya moshi n’amato byose byavugirije amahoni icya rimwe, amajwi y’impanda yumvikanira hirya no hino amabendera na yo aramanurwa kugera hagati.

Coronavirus yagaragaye bwa mbere mu Bushinwa mu mpera za 2019 mu Mujyi wa Wuhan, uherereye mu Ntara Hubei.

MENYA UMWANDITSI

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka