Ahagana mu masaha y’Isa Saba z’amanywa zo kuri uyu wa gatandatu tariki 20 Kamena 2015 nibwo abaturage baturutse mu mpande zose za Kigali bahuriye mu rugendo rwo kwamagana ifatwa rya Gen. Karake wafatiwe i Londres mu Bwongeleza kuwa Kabiri w’iki cyumweru.

Mu rugendo rwatangiriye ku mahuriro y’imihanda hazwi nka KBC, abarwitabiriye bari bitwaje ibyapa byanditseho amagambo agaragaza ko batishimiye uburyo u Bwongeleza bwagize uruhare mu guta muri yombi Lt. Gen. Karake mu buryo butubahiriza uburenganzira bwa muntu.

Dore amwe mu mafoto y’uko iki gikorwa kiri kugenda:

Abigaragambya bahuriye imbere y’Ambasade y’u Bwongeleza mu Rwanda.

Abaturage bari kugaragaza ko batishimiye ifatwa rya Lt. Gen. Karake.

Bari bafite ibyapa bigaragaza ko batishimiye uburyo u Bwongeleza bwitwaye muri iki kibazo.

Urwo rugi rw’bururunirwo rwinjiriro rw’ambasade y’u Bwongeleza mu Rwanda.

Abantu batangiye barenga 600 ariko uko iminota ishira bakomeza kwiyongera.

Abatwara imodoka zitwara abagenzi bibumbiye muri koperative RTFC nabo ntibishimiye ifatwa rya Lt. Gen. Karake.

Ambasaderi w’u Bwongeleza WIlliam Gelling yari yaje kwakira ubutumwa bw’abigaragambya.

Mu kiganiro yagiranye n’abanyamakuru, Ambasaderi Gelling yatangaje ko Guverinoma idashobora kwivanga mu mikorere y’ubutabera.

Fidel ndayisaba umuyobozi w’umujyi wa Kigali nawe yari yaje kwifatanya n’abigaragambye, avuga ko ari agasuzuguro gakomeye u Bwongeleza bwagaragarije u Rwanda.

Umurerwa Marie Grace uhagarariye Abanyarwanda baba mu mahanga ku rwego rw’isi, yatangaje ko ukuri kuzajya ahagaragara Lt. Gen. Karake bakamurekura.

Abigaragambya bavuga ko bazava ku izima ari uko Lt. Gen. Karake arekuwe.

Uwo musore witwa Muhire Hubert avuga ko bazava kuri ambasade y’u Bwongeleza ari uko Lt. Gen. Karake arekuwe.

Abamotari bahisemo guhagarika akazi kugira ngo bifatanye n’abigaragambya bamagana leta y’u Bwongeleza.

Kigali Today