KT TV
Umuhango wo Gutabarizwa kw’umwami Kigeli V Ndahindurwa (Photos&Video)
Yanditswe na
KT Editorial
Umuhango wo gutabarizwa k’Umwami Kigeli V Ndahindurwa, watangiye mu gitondo cyo kuri iki cyumweru tariki ya 15 Mutarama 2017.
Umuhango wo gutabarizwa kwa Kigeli V Ndahindurwa wabimburiwe no gusezera Umugogo we wari uruhukiye muri bitaro bya Faisal
Wabimburiwe no gusezera umugogo we wabereye mu bitaro byitiriwe Umwami Faisal. Nyuma yo gusezera umugogo abamuherekeje bakomereje mu Karere ka Nyanza ahari bubere Misa yo kumusezera bwanyuma.
Nyuma ya Misa haratangwa ubuhamya butandukanye bw’ababanye n’Umwami Kigeli wa V Ndahindurwa, busozwe no kumutabariza mu irimbi riruhukiyemo mukuru we Umwami Mutara Rudahigwa.
Abagize umuryango we baje kumusezera mu bitaro bya Faisal aho umugogo we wari uruhukiye
Nyuma yo gusezera Umugogo we Bagannye i Nyanza ahabera Misa yo kumusezera
Abagize Umuryango we bitwaje ikamba rigaragaza ko bagiye gutabariza Umwami
Ahagana mu ma saa yine z’amanywa ni bwo Umugogo wa Kigeli wagejejwe mu Rukali aahari bubere Misa yo kumusezera
Yaherekejwe n’ababyeyi bambaye imikenyero y’umweru
Umwe mu bato bo mu muryango we yitwaje ifoto ya Kigeli V ndahindurwa
Misa yo kumusabira iratangiye irimo kubera mu Rukari i Nyanza mu Ntara y’Amajyepfo
Minisitiri w’Umuco na Siporo Uwacu Julienne yaje gufata mu Mugongo Umuryango wa Kigeli V Ndahindurwa mu izina rya Leta y’u Rwnda
Pasiteri Ezra Mpyisi mu muhango wo Gutabarizwa kw’umwami Kigeli V
Ni agahinda ku baje gutabara uyu muryango
Imbaga nini yaje kwifatanya n’umuryango wa Kigeli V Ndahindurwa kumutabariza
N’abihayimana baherekeje Umugogo w’Umwami
Abantu berekeje aho umugogo w’Umwami utabarizwa
Ibitekerezo ( 1 )
Ohereza igitekerezo
|
|
Naruhukire mu Mahoro!