KT TV
U Rwanda rwohereje umutwe uruhagarariye mu myitozo ya gisirikare ihuje ibihugu by’Afurika y’Iburasirazuba
U Rwanda rwohereje umutwe ugizwe n’abasirikare, abapolisi n’abasivile 206 bagiye mu myitozo y’ibihugu bigize akarere k’Afurika y’Iburasirazuba (Eastern African Standby Force). Imyitozo izaba ihuriweho n’abasirikare bagera 1250 bava mu bihugu 11 bigize akarere k’Afurika y’iburasirazuba.
Aba basirikare, abapolisi n’abasivili bazitoza ibijyanye no kubungabunga amahoro, kurwanya ibiza, kurwanya iterabwoba no kurwanya abateza umutekano muke mu Nyanja; nk’uko byasobanuwe n’uumuvugizi w’Ingabo z’u Rwanda, Brig Gen Joseph Nzabamwita.
Uyu munsi tariki 06/05/2013 mbere yo kugenda bahawe impanuro n’umugaba mukuru w’Ingabo z’u Rwanda, Lt Gen Charles Kayonga. Igikorwa cyabereye mu kigo cya gisirikare i Kanombe. Umugaba mukuru w’Ingabo z’u Rwanda yabasabye kuzahagararira neza u Rwanda, bakora inshingano ibajyanye neza kandi bakazarangwa na discipline.
Umuvugizi w’Ingabo z’u Rwanda yavuze ko ikigamijwe muri iyi myitozo ari ugutegura ingabo z’agace k’Afurika y’Iburasirazuba gukora umutwe uzafatanya n’ibindi bice bigize Afurika guhuriza hamwe imbaraga bagakora umutwe umwe uhora witeguye, wo gukumira amakimbirane no gutabara ahahungabanye umutekano.
Uwo mutwe w’Ingabo w’Afurika yunze Ubumwe ukazatangira gukora mu mwaka wa 2015.
Iyi myitozo ya gisirikare yiswe "Mashariki Salaam 2013" izabera Jinja mu gihugu cya Uganda izamara ibyumweru bibiri, izarangira ku itariki 26 z’uku kwezi. Ni imyitozo ibaye ku nshuro ya kabiri nyuma y’andi mahugurwa yabereye Djibouti muri 2009.
Kigali Today
Ibitekerezo ( 4 )
Ohereza igitekerezo
|
|
Njye hari ibyo ntangiye kwibaza. Ko twitwa ngo turimo gufatanya muri East African Community harimo no kugira gahunda mu bya gisirikare, ko u Rwanda rwashinjwe kuba rufasha M23 muri Congo, ko Tanzania izohereza ingabo muri Neutral Intervention Brigade muri Congo, aho niziraswa zigapfa cg zigakomereka Tanzania ntizagira ikibazo ko ari u Rwanda ruyirashe??? Ndabona hazaba bad political climate aho ngaho hagati ya Rwanda na Tanzania??
Ibitero by;iterabwoba bitangiye kwigaragaza mu karere ka EAC,ningombwa rero ko inzego zishinzwe umutekano zitegura kwirwanya ibi bikorwa ndetse no kubungabunga umutekano w’abaturege mu nzego zose.
Ibitero by’iterabwoba bigenda byiyongera ku isi hose ndetse no muri afrika aho byatangiye kwigaragaza vuba aha,aya mahugurwa ni ingenzi cyane rero kugirango habeho kubyirinda no guhangana nabyo.
Muri aka karere k’afrika y’uburasirazuba umutekano wifashe neza,aya mahugurwa azongerera inzego zishinzwe umutekano ubumenyi bushya bwo kwirinda.