Ambasaderi ushinzwe uburenganzira bwa muntu mu Bufaransa, François Zimeray, niwe woherejwe kugira ngo ahagararire Guverinoma ye mu gutangiza imihango yo kwibuka inzirakarengane zirenga miliyoni zazize Jenoside yamaze iminsi igera ku 100; nk’uko itangazo ryatanzwe na Minisitiri w’Ububanyi n’amahanga mu Bufaransa ribivuga.

Nyuma y’imyaka itari micye ibihugu byombi bitavuga rumwe kubera ko u Rwanda rushinja u Bufaransa kugira uruhare muri Jenoside, u Bufaransa n’u Rwanda biragenda bitera indi ntambwe mu kugarura umubano mwiza hagati y’ibihugu byombi.

Uguhagararirwa kwa Guverinoma y’u Bufaransa kuzatanga indi sura mu icyemuka ry’iki kibazo n’ubwo u Bufansa butarerura ku mugaragaro, nk’uko u Bubiligi bwabigenje mu mwaka wa 2000.

Emmanuel N. Hitimana