Babitangarije mu Nteko Rusange y’Umuryango wa FPR Inkotanyi ku rwego rw’Umurenge wa Bweyeye bavuga ko bafite impungenge ko Kagame adakomeje kuyobora u Rwanda ibyo bari bamaze kugeraho byasubira inyuma kuko nta bundi bigeze gitera imbere uretse ku ngoma ye.

Abaturage ba Bweyeye ngo barifuza ko Kagame yongererwa manda agakomeza kubayobora.

Rusakara Emmanuel, umwe muri bo avuga ko mu gihe gito u Rwanda rumaze rwibohoye bamaze kugera ku iterambere rikomeye harimo umutekano, ikigo nderabuzima, amashuri abanza n’ayisumbuye, ubwisungane mu kwivuza , gufasha abatishoboye binyuze mu mishinga itandukanye n’ibindi akaba ari muri urwo rwego hamwe na bagenzi be bifuza ko itegeko nshinga ryahinduka Chairman wa FPR akaba na Perezida ku rwego rw’igihugu ngo akongera kwiyayamaza maze bakongera bakamuhundagazaho amajwi akabayobora.

Mukarwesa Josephine, uhagarariye FPR mu Murenge wa Bweyeye na we ashimangira uwo muryango ngo watumye igihugu kiva mu mwijima cyari cyatewe na Jenoside yakorewe Abatutsi.

Aba bo bahise binjira mu Muryango wa FPR Inkotanyi kandi biyemeza kutazawutatira mu iterambere.

Ariko ubu ngo bakaba barateye imbere dore ko ngo bari barasigaye inyuma ariko ubu bakaba bageze aho kwishimira ibikorwa bitandukanye by’iterambere.

Na we akaba abishingiraho asaba ko ababifitiye ububasha bahindura itegeko nshinga kugira ngo bemerere Kagame kwiyamamariza manda ya gatatu ngo bakomeze bakataze mu irerambere.

Muri iyi nteko rusange, abagera kuri 158 biganjemo urubyiruko biyemeje kuba abanyamuryango ba FPR Inkotanyi banarahirira ku mugaragaro ko batazigera bahemukira uyu muryango kubera ibyiza ukomeje kubagezaho.

Musabwa Euphrem