Iyi mvura yibasiye cyane utugari twa Nyange na Pera aho yashize abaturage hanze kugeza ubu bakaba bacumbikiwe na bagenzi babo b’abaturanyi.

Umunyamabanga nshingwabikorwa w’umurenge wa Bugarama, Egide Gatera, aratangaza ko abaturage basenyewe batarabona ubundi butabazi usibye gucumbikirwa na bagenzi babo, gusa ngo babimenyesheje inzego zishinzwe gufasha abahuye n’ibiza.

Si ubwa mbere aba baturage bibasirwa n’ibiza mu bihe by’imvura akenshi bigasenyera abaturage amazu ndetse bikangiza n’imirima yabo.

Umuturage witwa Speciose yakomeretse bidakabije akaba ari ku kigo nderabuzima cya Bugarama aho ari kuvurwa.

Mukankurunziza Alphonsine we atangaza ko yagwiririwe n’ishyano muri ibi bihe by’imvura kuko hashize iminsi itatu gusa inkuba ihitanye umugabo we none iyi mvura nayo imwigijijeho nkana ubu akaba ari hanze.

Iy’imvura yatangiye kugwa saa kumi z’umugoroba ihita saa tatu z’ijoro.

Musabwa Euphrem