Abaturage baturiye iyi miyoboro ,bakaba bishimiye amazi bahawe ,kuko ngo bakoraga ibirometero byinshi bajya kuvoma amazi.

Abaturage bo muri iyi mirenge bagavuga ko bagendaga ibirometero bigera kuri bitatu 3 bajya gushaka amazi , bigatuma batikorera n’indi mirimo neza kuko ngo bavagayo bananiwe.

Ngo byuagiraga n’ingaruka ku bana biga kuko ngo rimwe na rimwe bageraga ku ishuri barushye bityo ntibabashe gukurikira amasomo ku gihe.

Kampire Leocadie yagize ati”Aya mazi turayishimiye kuko twakoraga ibirometero n’ibirometero tujya kuvoma,tukagera mu rugo twarushye ,abana nabo bagakererwa kujya ku mashuri. ”

Mu butumwa bwatanzwe n’Umunyamabanga Uhoraho muri Ministere y’Umutungo Kamere Fatina mukarubibi ,yasabye abaturage gukoresha neza amazi bahawe no kuyabungabunga,kugira ngo na make bafite bitazavaho atagishoboye kugera kuri bose.

Fatima yagize ati” Abaturage icyo nabasaba ni ugufata neza aya mazi,nubwo akiri make akabasha kugera kuri buri wese nk’uko tubyifuza.”

Fatima akomeza avuga ko nubwo u Rwanda rutaregera ku kigero cyiza mu gutanga amazi meza ku baturage bose, ngo hari intego y’uko nibura mu mwaka 2017 buri muturage w’u Rwanda azaba afite amazi meza hafi ye.

Ibi ngo bikazagerwaho ku bufatanye n’abafatanya bikorwa batandukanye bafatanya n’u Rwanda mu kwegereza amazi meza abaturage.

Iyi miyoboro yatashywe ,umwe ukaba warubatswe ku bufatanye bw’umushinga ushinzwe gukwirakwiza amazi mu Karere ka Rulindo wa Water for Pople ,undi wubakwa na WASAC.

Uyu munsi mpuzamahanga wahariwe amazi ukaba wizihijwe ku nshuro ya 22, aho Insanganyamatsiko y’uyu mwaka wa 2015 ,yagiraga iti “Amazi, inkingi y’iterambere.”

Hortense Munyantore