Mbarushubukeye avuga ko umugabo winjiye nyina yamwangaga cyane buri gitondo akabyuka amumenaho amazi bituma afata icyemezo cyo kujya kwibera mu muhanda. Ubu Mbarushubukeye yibanira n’izindi nzererezi mu mujyi wa Ruhango, aho yirirwa asabiriza abamuha icyatunga ubuzima bwe.

Ibibazo nk’ibi bikunze kugaragara mu karere ka Ruhango ariko ngo hagenda hafatwa ingamba zo gukangurira ababyeyi kwita ku mibereho y’abana babo; nk’uko bisobanurwa n’ umuyobozi w’akarere ka Ruhango wungirije ushinzwe imibereho myiza y’abaturage, Mugeni Jolie Germaine.

Ubu akarere ka Ruhango katangiye gukangurira abaturage gushakana mu buryo bwemewe n’amategeko kuko ibibazo nk’ibi bikunze kuzanwa n’ukubana kw’abashakanye mu buryo butemewe n’amategeko.

Abenshi mu bana b’inzererezi baba mu mujyi wa Ruhango ni abahunze amakimbirane yo mu miryango.

Eric Muvara